​Arredor de 100 rapaces e rapazas puideron gozar vendo o encontro do Monbus Obradoiro contra o Movistar Estudiantes, correspondente á xornada 32 da Primeira FEB disputado no Multiusos Fontes do Sar. O conxunto obradoirista impúxose por dez puntos de diferencia (89 -79), unha importante vitoria para tratar de acadar o ascenso á Liga ACB.

​Dende o club Básquet Ames valoran a experiencia como un éxito. “Os rapaces e rapazas quedaron encantados, gozaron moito do ambiente e do espectáculo, e todo saíu perfecto, nunha xornada verdadeiramente marabillosa”. Ademais, destacan que “estamos encantados de colaborar en todas aquelas iniciativas que contribúan a fomentar e promover o baloncesto entre a mocidade”.
​
Esta actividade enmárcase no convenio de colaboración existente entre o Concello de Ames, o Monbus Obradoiro e maila Fundación Obradoiro, para que o equipo filial se denomine Obradoiro Ames e dispute os seus partidos como local no pavillón municipal do Milladoiro.
​
Ademais, no marco de dito convenio, o Concello de Ames goza de publicidade na U Televisiva nos previos dos partidos do Monbus Obradoiro no Multiusos Fontes do Sar e o Concello de Ames ten o seu logotipo corporativo na páxina web do club, que enlaza coa páxina web oficial do Concello.

Novas relacionadas

amsGO!: "O 26 de abril 100 nenos/as das Escolas deportivas de baloncesto e do Básquet Ames asisten ao partido do Monbus Obradoiro – Movistar Estudiantes"