"A teteira de Kabul" conta a historia de Minia, unha nena que debe abandonar o seu fogar por mor do estallido da guerra no seu país, Afganistán. A protagonista comeza unha longa viaxe coa súa familia, e, a pesar das duras condicións, coa axuda das historias que lle conta a súa nai, vai descubrindo a beleza durante o seu periplo. Minia irá gardando todas esas historias nunha pequena teteira, e así poderá tirar delas cando precise que os contos a arroupen. 

Trátase da estrea en Bertamiráns do espectáculo, organizado pola Asemblea de Cooperación pola Paz en colaboración co Concello de Ames.