- Tematica
O vindeiro martes, 15 de setembro, o espazo colaborativo A Proa acollerá dúas actividades sobre transformación dixital e Intelixencia Artificial dentro do “Rede Coworking Fest”, unha semana dedicada a promover a innovación, a colaboración e a cultura emprendedora a través dunha ampla variedade de actividades e propostas culturais e formativas nas que participan os diferentes espazos de traballo que integran a Rede Provincial de Coworking da Deputación da Coruña e que se desenvolverá entre o 14 e o 20 de setembro.
No caso do espazo colaborativo A Proa, situado no parque empresarial do Milladoiro, acollerá o vindeiro martes, 15 de setembro, dúas actividades sobre transformación dixital e Intelixencia Artificial. A primeira delas, o relatorio “SCAYLE: Impulsa a transformación dixital da túa empresa” dará comezo ás 09.00 horas, e servirá como presentación da entidade SCAYLE, os seus servizos e como pode acompañar ás pemes, autónomos e persoas emprendedoras nos seus procesos de dixitalización.
