As Recepcións Reais realizaranse o sábado 3 e o domingo 4 de xaneiro nos pavillóns municipais de Bertamiráns e do Milladoiro. En horario de 11.00 a 13.30 horas pola mañá, e de 17.00 a 19.30 horas pola tarde, os nenos e nenas poderán coñecer de primeira man ás súas maxestades os Reis Magos. As recepcións reais faranse os dous días tanto en Bertamiráns coma no Milladoiro.

Para poder participar nas recepcións reais, as familias interesadas deberán inscribirse mediante cita previa a través da Sede electrónica do Concello. O prazo para solicitar cita está aberto dende o martes 23 de decembro. Estará aberto ata o venres 2 de xaneiro ás 14.00 horas. Durante a recepción, haberá catro visitas simultáneas cada cinco minutos.