Con motivo da Startup Europe Week, que se celebra do 25 ao 29 de maio, poderás achegarte de 9:00 a 14:00 horas, para probar como é traballar en Espazo A Proa e coñecer a comunidade emprendedora do espazo. Trátase dunha xornada aberta ao público. O obxectivo é que se presenten as axudas, subvencións e programas de apoio ao emprendemento dispoñibles actualmente na nosa contorna. Durante a xornada participarán os técnicos municipais e as autoridades do Concello de Ames para presentar iniciativas e recursos de apoio ao emprendemento no municipio. 

Ademais, no marco da Startup Europe Week 2026, o espazo A Proa organiza a charla formativa “Emprender sen filtros: compartindo os erros que máis ensinan”, un encontro próximo e participativo para reflexionar sobre os erros máis habituais no emprendemento e transformalos en aprendizaxes útiles para construír proxectos máis sólidos e sostibles.

A sesión estará facilitada por Rosa Corral, asesora de emprendemento da Rede de Polos de Emprendemento e Apoio ao Emprego da Consellería de Emprego, Comercio e Emigración, con máis de 25 anos de experiencia en formación, emprego e emprendemento. Ademais, é empresaria e impulsora do proxecto agroalimentario La Colmena de Sofía.