- Tipo
- Tematica
O departamento de Bibliotecas do Concello de Ames vén de anunciar a súa programación para os meses de setembro, outubro, novembro e decembro, e que, nesta ocasión, ademais dos habituais obradoiros e sesións de narrativa oral para os máis pequenos que se desenvolverán tanto na biblioteca do Milladoiro como na de Bertamiráns, presenta varias novidades.
Coa volta ás aulas e a chegada do outono, as bibliotecas municipais tamén retoman a súa programación habitual para os meses de setembro, outubro, novembro e decembro. Por unha banda, hai propostas de animación á lectura para o público infantil, con contacontos e obradoiros, e por outra, tamén hai opcións para o público adulto, cos encontros literarios. Ademais das clásicas actividades, desta volta incorporan novas propostas para este mes de setembro e comezos do mes de outubro.
Obradoiros para a rapazada de 3º a 6º de primaria
Ademais das sesións de narrativa oral, as bibliotecas organizan tamén dous obradoiros para as crianzas de 3º a 6º de primaria. Neste caso, as propostas celebraranse sempre os venres ás 17:00 no Milladoiro, e os sábados ás 11:30 horas en Bertamiráns.
Para concluír as propostas de animación á lectura, en decembro terá lugar un obradoiro de Nadal, que se celebrará o venres 12 no Milladoiro e o sábado 13 en Bertamiráns. As inscricións neste caso poderán realizarse do 1 ao 9 de decembro.
