O Concello de Ames e o colectivo A Rula organizan este sábado 10 de setembro a cuarta edición da ruta nocturna aos petróglifos de Monte Castelo e da Peneda Negra. Será a partir das 21:30 horas, con saída dende o miradoiro do bosque do Peregrino, en Ventosa. Para participar nesta saída, que conta con prazas limitadas, cómpre inscribirse, enviando un correo ao enderezo electrónico colectivoarula@gmail.com.