Tamén en outubro comezarán os obradoiros creativos e lúdicos para os nenos e nenas que cursan desde 3º de primaria en diante, e que están pensados para conmemorar e traballar aquelas datas sinaladas no calendario do libro e da lectura. Así en outubro celebrarase o Día da Biblioteca cun obradoiro para iniciarse na técnica lettering, tamén coñecida como rotulación, que consiste en debuxar as letras ao mesmo tempo que se exercita o dominio da ortografía, amplíase o vocabulario, favorecendo a concentración e a relaxación.