Os días 8, 9 e 10 de outubro a biblioteca de Bertamiráns acolle unha sesión de contacontos para nenos e nenas de 3 a 8 anos. As familias interesadas poderán inscribirse entre o 1 e o 5 de outubro chamando ao teléfono 981 884 829, ou enviando un correo a biblioteca@concellodeames.gal. Deben indicar nome, apelidos, idade e un teléfono de contacto.

O venres 11 de outubro, ás 18:00 horas, Migallas Teatro chegará á Casa da Cultura do Milladoiro con "Cantaxoga". María Campos e Carlos Yus, acompañados por unha banda de pulgas, traen un espectáculo de música e teatro no que interpretan as cancións máis populares do grupo Migallas para bailarmos, cantarmos e rirmos a ritmo de rock, cumbia, rap, fusión étnica, etc. O espectáculo está dirixido a público familiar.

Os días 15, 16 e 17 de outubro a biblioteca do Milladoiro acolle unha sesión de contacontos para nenos e nenas de 3 a 8 anos. As familias interesadas poderán inscribirse entre o 7 e o 11 de outubro chamando ao teléfono 981 530 807, ou enviando un correo a biblioteca@concellodeames.gal. Deben indicar nome, apelidos, idade e un teléfono de contacto.

O venres 18 de outubro, ás 18:00 horas, Bolboreta (Lidia Botana) e Fabaloba chegará ao Pazo da Peregrina de Bertamiráns con "U-lo mar?". Dirixida a nenos e nenas de 3 a 6 anos, trátase duha proposta que une narración oral, cancións e ilustraciósn amosadas a través dun kamishibai co obxectivo de contribuír á difusión de recursos lúdicos e educativos para enriquecer a crianza.