O programa destes campamentos deportivos inclúe unha ampla variedade de actividades deportivas e culturais, como deportes náuticos, actividades ao aire libre, xornadas de praia, actividades no centro, ou visitas culturais, deportivas e etnográficas. Deste xeito, levaranse a cabo actividades e xogos que teñan elementos que fomenten a comunicación, o intercambio de experiencias, a convivencia e o respecto polos demais.