O Concello de Ames, a través da Concellaría de Deportes, informa do resultado do sorteo de prazas dos campamentos deportivos organizados pola Deputación da Coruña. Ao abeiro desta iniciativa, un total de 10 mozas e mozos de Ames de 9 a 14 anos participarán nunha destas estadías entre o 21 e o 26 de xullo, que se desenvolverá no centro Calvo Sotelo da Coruña. Debido a Lei de Protección de Datos non se poden publicar datos de carácter persoal nesta lista, pero pódese comprobar se unha rapaza ou rapaz está admitido a través do número de rexistro que figura nesta lista e na copia do impreso de inscrición de cada usuaria/o.