Pestanas principais

A Rede municipal de comedores escolares enviaralle información ás familias usuarias a través da aplicación TokApp School

Venres, 11 outubro, 2019
O Concello de Ames, a través da Concellaría de Educación, informa de que a partir do 15 de outubro enviáraselle información (avisos, notificacións, incidencias, etc.) ás familias usuarias da Rede municipal de comedores escolares a través da plataforma de comunicación TokApp School.

Para poder recibir dita información hai que entrar na tenda App Store ou Play Store do teu teléfono, buscar a aplicación de TokApp School e descargala. Trátase dunha aplicación gratuíta. Hai que abrir a aplicación, seleccionar o teu país e validar o teléfono ou o enderezo electrónico que facilitaches no centro escolar ao inicio do curso. Posteriormente, hai que escribir o nome de usuario/a e contrasinal que queiras utilizar e mover a icona da aplicación á pantalla principal do teu móbil. Para calquera dúbida ou consulta, podes contactar con Soporte Técnico de TokApp School (soporte@TokApp.com).

Multimedia