Este xoves 18 de novembro remata o prazo para inscribirse nunha xornada de aproximación ao sendeirismo, organizada polo club de montañismo "Rutas a Pie". O curso, impartido pola Escola Galega de Alta Montaña, será o domingo 21 de novembro de 10:00 a 17:30 horas. A xornada divídese nunha parte teórica que se impartirá no Centro de Formación e Emprego de Aldea Nova e unha parte práctica que inclúe o percorrido pola ruta Rego Anduriña. O obxectivo do curso é realizar unha primeira aproximación ao sendeirismo para familias e para xente que se inicie neste deporte e lograr así que se practique de xeito autónomo e seguro.