Mércores, 19 novembro, 2025
- Tematica
As familias do alumnado de 6º de Educación Primaria do CEP de Ventín organizan un magosto popular solidario co obxectivo de recadar fondos para a excursión de fin de etapa. O evento terá lugar o venres, 21 de novembro, a partir das 18:30 horas, na explanada da Casa da Cultura do Milladoiro. Haberá carpa.
Durante a xornada poderanse degustar castañas asadas, chourizos á brasa, empanada e un montón de larpeiradas, a prezos populares, nun ambiente festivo e aberto a toda a veciñanza. Tamén haberá un sorteo con un montón de premios para o cal os nenos levan semanas vendendo rifas.
