Premendo na ligazón que está ao pé deste aviso pódense obter os menús das escolas infantís municipais de Ames para esta semana. Estes menús foron elaborados pola nutricionista municipal do Concello de Ames.

O alcalde de Ames, Blas García, vén de publicar un bando no que informa de que o vindeiro luns, 26 de setembro, terán lugar as obras de sinalización horizontal das fases I e III da améndoa central de Bertamiráns. Por mor destes traballos de sinalización, quedará prohibido o estacionamento a ambos lados dos viarios sinalados en cor vermello nas imaxes que se axuntan ao pé deste aviso.

Ames Radio pon un ano máis os seus micrófonos a disposición da cidadanía para a elaboración de programas de radio. Calquera persoa, asociación ou entidade pode presentarse ata o día 13 de outubro enviando a ficha de solicitude ao correo electrónico radio@concellodeames.gal. Aceptaranse proxectos presentados por entidades, asociacións ou persoas non empadroadas no concello, sempre que as súas propostas resulten de interese para o municipio amesán ou estean protagonizadas por persoas residentes, nadas ou que traballen en Ames. Cada proxecto deberá ser presentado por unha persoa coordinadora que deberá ter un mínimo de 18 anos de idade. Pódense consultar todos os detalles nas bases que regulan a Radio Cidadá, ligadas no pé deste aviso.

O Concello de Ames, a través do departamento de Persoal, fai pública a acta nº2 do Tribunal encargado de xulgar o proceso selectivo para a selección dunha (1) praza de profesor de guitarra, na que se anuncian as puntuacións definitivas dos aspirantes e se realiza unha proposta de contratación.