Finde na Neve é unha saída de fin de semana á Estación Invernal de Leitariegos (León), que se desenvolverá entre o 10 e o 12 de marzo de 2023, con saída en autobús o venres pola tarde e volta o domingo pola tarde-noite. Con esta iniciativa preténdese fomentar un ocio saudable e de contacto coa natureza, ademais de fortalecer as experiencias conxuntas e as relacións interpersoais da mocidade.

A saída inclúe desprazamento de ida e volta en autobús, aloxamento e pensión completa de tres días e dúas noites no albergue Laciana Natura, forfait durante dous días, alugueiro de material de esquí (esquís, botas, bastóns e casco), curso de esquí de 4 horas (un/ha monitor/a por cada 10 participantes), seguros, monitores/as acompañantes durante 24 horas.