Martes, 25 xuño, 2019
- Tematica
O Concello de Ames informa de que xa están expostas as listas definitivas de usuarios/as admitidos/as no programa Escola de verán. Premendo nos enlaces que están a túa dereita, baixo o apartado de descargas, poderás consultar as listas de Bertamiráns e Milladoiro. Debido a Lei de Protección de Datos non se poden publicar datos de carácter persoal nesta lista, pero pódese comprobar se unha rapaza ou rapaz está admitido a través do número de rexistro que figura nesta lista e na copia do impreso de inscrición de cada usuaria/o.
As listas tamén se poden consultar nas oficinas do departamento de Educación, situadas no Pazo da Peregrina, nas portas de entrada da Casa do Concello e nas oficinas municipais do Milladoiro. A Escola de verán desenvolverase durante os meses de xullo e agosto no Milladoiro e en Bertamiráns. Nesta última localidade, o programa levarase a cabo no colexio A Maía, se ben o servizo de comedor e as actividades interiores desenvolveranse na biblioteca por mor das obras que se realizarán no centro durante os vindeiros meses. Para obter máis información pódese chamar ao número de teléfono 981 891 476 ou enviar un correo electrónico ao enderezo educacion@concellodeames.gal.