Venres, 13 marzo, 2020
- Tematica
O Concello de Ames, a través da Concellaría de Servizos Básicos, informa de que a empresa Espina & Delfín pecha temporalmente ao público as súas oficinas dos servizos de auga de Bertamiráns e do Milladoiro.
Debido a iso Espina & Delfín reforza os seus servizos de atención á cidadanía polas vías telefónica e telemática. Unicamente se prestará atención presencial en circunstancias excepcionais. Estas medidas evolucionarán en función da situación. Os/as usuarios/as poden contactar cos servizos de augas chamando ao número de teléfono 900 815 015 ou a través dos números de teléfono da oficina de Bertamiráns 981 89 07 76, así como da oficina do Milladoiro 981 93 94 45.