Pestanas principais

Continúa aberta a inscrición para dous obradoiros do programa con[sentido]

Mércores, 20 outubro, 2021
A Concellaría de Mocidade organiza este sábado 23 de outubro dous obradoiros dentro do programa de sexualidade positiva e saudable [con]sentido, dirixidos á mocidade a partir dos 14 anos, e para os que aínda quedan prazas dispoñibles. Os talleres celebraranse ao longo de toda a xornada no Pazo da Peregrina, en Bertamiráns. Por unha banda, o obradoiro “Métodos anticonceptivos” desenvolverase entre as 10:00 e as 13:00 horas, mentres que “Elaboración dunha vulva-puff” terá lugar pola tarde, desde as 16:00 ata as 20:00 horas.

A inscrición xa está aberta no enderezo electrónico con.sentido@agasex.org, enviando cumprimentada a seguinte ficha de inscrición.

Métodos anticonceptivos
¿Cantos métodos existen hoxe en día no mercado? ¿Onde se poden conseguir? ¿Como funcionan? ¿Que efectos secundarios teñen? ¿Contra que me protexen? ¿A quen van dirixidos? Estas e outras moitas cuestións atoparán resposta neste obradoiro que se desenvolverá este sábado 23 de outubro no Pazo da Peregrina de Bertamiráns, entre as 10:00 e as 13:00 horas.

Elaboración dunha vulva-puff
O obradoiro consistirá na elaboración dun puff con forma de vulva, co obxectivo de abrir debate e cuestionar as ideas preconcibidas e estereotipos que o grupo asistente poida ter sobre os xenitais, ademais de impulsar unha reflexión sobre a concepción e os estereotipos da sexualidade. O taller terá lugar na tarde deste sábado 23 de outubro no Pazo da Peregrina de Bertamiráns, dende as 16:00 ata as 20:00 horas.

Multimedia