O obradoiro dual Renova VII é un programa mixto de emprego e formación dirixido a mellorar a ocupabilidade das persoas desempregadas, subvencionado pola Consellería de Emprego, Comercio e Emigración e cofinanciado polo Ministerio de Traballo e Economía Social, e promovido polo Concello de Ames conveniado co concello de Brión.

Os incentivos teñen como finalidade facilitar a empregabilidade e ocupabilidade das persoas participantes no Obradoiro dual de emprego Renova VII. No obradoiro de emprego dual Renova VII impártese a formación do Certificado de profesionalidade ENAE0108: Montaxe e mantemento de instalacións solares fotovoltaicas (Nivel 2). A contratación temporal terá unha duración mínima de 3 meses e a duración da xornada da contratación temporal será a tempo completo. Os contratos incentivaranse cunha subvención fixa de 1.500 euros por cada traballador/a, correspondente ao contrato mínimo de 3 meses a xornada completa.