Actualidade

Ex., 28-03-2024
Ex., 28-03-2024
Xoves, 23 de novembro de 2023
Aberto o prazo de inscrición para o espectáculo “O son que me arrola” da Asociación Antonio Gandoy

O programa Apego prosegue coas súas propostas durante o mes de novembro. Desta volta, ábrese a inscrición para participar no espectáculo de estimulación sonora “O son que me arrola”, da Asociación Antonio Gandoy, que se vai desenvolver no Pazo da Peregrina o venres 1 de decembro, ás 18.00 horas. Os/as interesados/as en anotarse poden facelo enviando un correo electrónico ao enderezo normalizacion@concellodeames.gal ata o 30 de novembro, no que se indiquen nome e apelidos das persoas asistentes, idade dos nenos/as e un número de teléfono de contacto. A programación do Apego para o último semestre do 2023 pode consultarse premendo nesta ligazón.

Mércores, 15 de novembro de 2023
Cartaz da sesión de contos “Mulleres de Pedra” de María da Pontragha

O venres 24 de novembro, ás 18.00 horas, na Casa da Cultura do Milladoiro, representase a sesión de contos “Mulleres de pedra” con María da Pontragha. Trátase dun espectáculo para nenos e nenas a partir dos 3 anos no que se narran contos e historias de mulleres fortes e eternas. Para inscribirse nesta actividade hai que enviar un correo electrónico ao enderezo normalizacion@concellodeames.gal. A inscrición estará aberta do 16 ao 23 de novembro ata completar aforo. Esta actividade enmárcase dentro do programa Apego e da programación “Novembro Cultural” elaborada con motivo da celebración de Santa Icía e do 25N.

Mércores, 08 de novembro de 2023
A Casa da Cultura do Milladoiro acolle mañá a Gala Lingua e Empresa na que se desvelarán os premios da sexta edición do certame

O Concello de Ames, a través do Servizo de Normalización Lingüística, organiza un ano máis os Premios Lingua e Empresa, que promoven o uso da lingua galega no ámbito empresarial local. Nesta ocasión, incrementou en sete o número de empresas participantes con respecto á edición anterior. Deste xeito, nesta edición presentáronse 33 empresas, mentres que na edición de 2022 foron 26 entidades as que concorreron aos ditos Premios. As empresas gañadoras desta edición daranse a coñecer na Gala Lingua e Empresa que se celebrará na Casa da Cultura do Milladoiro este xoves, 9 de novembro, ás 20.30 horas. Os premios están dotados de 1500 euros e unha campaña publicitaria en Ames Radio, a emisora municipal.

Martes, 07 de novembro de 2023
Imaxe da presentación do Catálogo de referentes de Alingua

Alingua, Asociación de Entidades Locais pola Lingua Galega que aglutina os servizos de normalización lingüística de 19 concellos, continúa este outono coas accións programáticas de É túa. Pásaa!, campaña de difusión posta en marcha neste 2023 co obxectivo de promover e dinamizar en diferentes ámbitos o uso do galego. No marco desta iniciativa, Alingua lanza este curso o seu Catálogo de referentes acompañado dunha guía didáctica de descarga libre e dun cartel de referentes dirixidos ao alumnado. Tamén presenta a Cartografía sensorial, un espazo virtual de paisaxes sonoras e visuais dos concellos que conforman a entidade.

Xoves, 02 de novembro de 2023
Cartaz da sexta edición dos Premios Lingua e Empresa do Concello de Ames

O Concello de Ames, a través do departamento de Normalización Lingüística, organiza un ano máis os Premios Lingua e Empresa, que promoven o uso da lingua galega no ámbito empresarial local. Nesta ocasión, incrementouse en sete o número de empresas participantes con respecto á edición anterior. Deste xeito, nesta edición presentáronse 33 empresas, mentres que na edición de 2022 foron 26 entidades as que concorreron aos ditos Premios. As empresas gañadoras desta edición daranse a coñecer na Gala Lingua e Empresa que se celebrará na Casa da Cultura do Milladoiro o xoves, 9 de novembro, ás 20.30h. Os premios están dotados de 1500 euros e unha campaña publicitaria en Ames Radio, a emisora municipal.

Luns, 30 de outubro de 2023
Obradoiro impartido no CEIP Agro do Muíño

A sétima edición do Enreguéifate botou a andar no concello de Ames cos obradoiros nos centros de ensino. Unhas sesións formativas que teñen como obxectivo achegar a arte da improvisación oral á rapazada e animar ás e aos escolares a participar no certame de regueifas en vídeo. O prazo de participación no certame estará aberto do 12 de xaneiro ao 1 de marzo de 2024 e poderá facerse dende a páxina web do certame, onde xa están dispoñibles tamén as bases.

Xoves, 26 de outubro de 2023
Cartaz da Foliada con Apego de Samaín

O programa Apego amesán arrinca o mes de novembro cunha foliada musical “terrorífica” para celebrar o Samaín cos máis cativos. O venres 3 de novembro festexaremos o outono cunha Foliada de Samaín, dinamizada por Pablo Díaz e Olga Kirk, que se vai a realizar no Pazo da Peregrina, en Bertamiráns. Para participar é preciso inscribirse, dende hoxe ata o 2 de novembro, enviando un correo electrónico ao enderezo normalizacion@concellodeames.gal no que se indique o nome e apelidos das persoas asistentes, un teléfono de contacto e a idade dos/as nenos/as.

Mércores, 11 de outubro de 2023
Cartaz do espectáculo “Palabras” de Baobab Teatro

O programa Apego prosegue coas súas propostas durante o mes de outubro. Desta volta, ábrese a inscrición para participar no espectáculo musical “Palabras”, de Baobab Teatro, que se vai desenvolver na Casa da Cultura de Bertamiráns o vindeiro venres, 20 de outubro, ás 18:00 horas. Os/as interesados/as en anotarse poden facelo enviando un correo electrónico ao enderezo normalizacion@concellodeames.gal ata o 19 de outubro, no que se indiquen nome e apelidos das persoas asistentes, idade dos nenos/as e un número de teléfono de contacto. A programación do Apego para o último semestre do 2023 pode consultarse premendo nesta ligazón.

Martes, 03 de outubro de 2023
Cartaz da XII edición do Club de Debate

Do 2 ao 31 de outubro está aberto o prazo para que os centros educativos inscriban os seus equipos na XII edición do Club de Debate. O Club de Debate é unha actividade de dinamización lingüística dirixida a mozas e mozos de 3º e 4º da ESO, 1º de bacharelato ou dos ciclos formativos que comprendan as mesmas idades. Os equipos que se inscriban teñen que ser mixtos e estar formados por entre 4 e 10 persoas máis o/a preparador/a (persoal docente ou PAS). Os equipos deben facer a inscrición a través do formulario que se facilite desde o SNL do Concello de Ames. Como novidade destacamos que este ano se aumentaron os premios das fases de zona. Serán 800 euros para o equipo mellor clasificado e 500 para o segundo. O premio da fase final é unha viaxe multiaventura dunha fin de semana á que asistirán os dous equipos con maior puntuación. Premendo nesta ligazón podes descargar o impreso de inscrición.

Xoves, 28 de setembro de 2023
Imaxe da presentación da VI edición dos Premios Lingua e Empresa

O Concello de Ames, a través do Servizo de Normalización Lingüística, organiza a sexta edición do Premio Lingua e Empresa, que ten como obxectivo promover o uso do galego no ámbito empresarial local. Poden optar ao galardón todas as empresas con sede social ou centro de actividade en Ames. O prazo de inscrición está aberto ata o 26 de outubro. A dotación económica do premio é de 3.000 euros, que serán repartidos entre dúas categorías. As bases do concurso e a ficha de inscrición pódense descargar premendo nesta ligazón.