A primeira fin de semana de outubro disputouse na cidade de Ferrol o Campionato galego de karate. Olivia Parga quedou exenta da primeira rolda ao ser cabeza de serie. Cando entrou en competición disputou dous grandes combates contras as karatecas da Escola Deportiva Shihan de Lugo, ás cales venceu por 7-2 na segunda rolda e por 5-1 na final.

É o quinto campionato galego que gaña Olivia Parga nas diferentes categorías polas que foi pasando. Con este resultado proclámase campioa galega de kumite en -47 kg e consegue o acceso para a preselección do Campionato de España, que se celebrará en Valencia no mes de novembro, e no que ten moita ilusión e esperanzas de facer un bo papel.