O mércores, 27 de maio, estará na Travesía do Porto, no Milladoiro, en horario de 9.30 a 14.30 e de 15:30 a 21:00 horas. Cada día os hospitais galegos precisan entre 400 e 500 doazóns de sangue para manter a súa actividade. Por iso, dende o Concello de Ames, anímase á veciñanza a acudir esta semana a esta unidade móbil de doazón. Os únicos requisitos para poder doar son ser maior de 18 anos e pesar máis de 50 quilos. É necesario almorzar e esperar dúas horas para acudir despois de xantar. As persoas doantes deberán identificarse coa súa tarxeta de doazón, DNI ou documento similar. Ademais, haberá que informar ao médico se se está tomando algún tipo de medicamento.