- Tematica
A Consellería de Deportes abriu o pasado 12 de decembro o prazo para que os establecementos comerciais, entidades deportivas e prestadores de servizos deportivos se adhiran ao programa Bono deporte. Trátase dunha axuda ás familias que busca a promoción da actividade deportiva entre a rapazada, por medio da subvención dos gastos derivados da práctica deportiva de rapaces entre 6 e 16 anos que estean federados ou que estean inscritos no programa Xogade. Para a concesión destas axudas vaise destinar un total de 16.120.000 euros.
Deste xeito, subvencionarase a compra de material e equipamento deportivo, así como a contratación de servizos relacionados con actividades deportivas como, por exemplo, a cota dos clubes deportivos. Esta axuda aplicarase unicamente nos comercios, entidades deportivas e prestadores de servizos adheridos ao programa.
Cada bono terá un valor de 120 € e, ademais, terá a consideración de bono desconto do 80% da compra ou servizo adquirido. O importe do bono irase reducindo en función da compra realizada (IVE incluído). Cada bono poderá usarse ata o seu esgotamento ou, no seu defecto, ata o 1 de xullo de 2024.
Como poden adherirse os comercios?
Aqueles comercios, entidades deportivas e prestadores de servizos deportivos que desexen participar neste programa terán que rexistrarse na web www.bonodeporte.gal aportando os seguintes datos:
-Nome e apelidos, ou razón social
-Establecemento comercial en Galicia
-NIF
-Nome, apelidos e DNI/NIE da persoa representante
-Nome comercial
-Dirección do establecemento
-Número de teléfono e correo electrónico
-IAE (Anexo I da Orde DOG)
-IBAN da conta bancaria
-Páxina web do establecemento
O prazo para adherirse comezou o pasado 12 de decembro e remata o 30 de decembro. Todos os que participen do programa recibirán cada semana na conta bancaria aportada no rexistro a cantidade equivalente aos bonos canxeados no seu local. Os bonos non será aplicables ás compras en liña.
Como poden solicitalo as familias?
Do Bono deporte poderanse beneficiar o pai, nai, titor legal ou persoa que teña en acollemento familiar ou garda con fins adoptivos a un menor de entre 6 e 16 anos federado ou inscrito no programa Xogade. Cada rapaz disporá dun único bono, independentemente de que sexa titular de varias licenzas ou realice varias actividades deportivas.
O número de licenza deportiva ou, no seu caso, o identificador Xogade, deberá estar emitido durante 2023, e o menor deberá continuar no programa Xogade ou ter licenza federada no momento da descarga do bono.
Os bonos estarán dispoñibles en la web www.bonodeporte.gal para a súa descarga desde o 8 de xaneiro de 2024 ao 29 de febreiro de 2024. Para obtelos, haberá que aportar a seguinte información:
-Nome e apelidos do pai / nai / titor legal
-Maioría de idade
-DNI/NIE
-Código postal e localidade de residencia
-Número de teléfono e correo electrónico
-Nome e apelidos do menor
-Data de nacemento do menor
-DNI/NIE do menor
-Identificador Xogade ou número de licenza deportiva federada
-Federación emisora, no caso da licenza deportiva federada
Funcionamento dos bonos
Os bonos descargaranse na web www.bonodeporte.gal. Terán un formato dixital, a través dun código QR, e estará dispoñibles nunha app que permita realizar pagos (Wallet ou semellante).
Para canxealos, os establecementos adheridos terán que descargar a app Bono deporte e, no momento da compra ou prestación do servizo, terá que introducir o importe e o concepto da venta/prestación do servizo e aparecerá automaticamente o importe que se vai cobrar unha vez aplicado o desconto. Pola súa banda, os beneficiarios deberán amosar o seu abono en formato código QR e pagar o importe final da compra realizada.