[11-01-2019] O Concello de Ames participa, un ano máis, na campaña de esquí que organiza a Deputación da Coruña entre o 25 de xaneiro e o 25 de febreiro. Dirixida a rapazas e rapaces de 11 a 15 anos, ambos incluídos, a campaña inclúe a realización de cursos de esquí. As mozas e mozos amesáns participarán deste programa entre 25 e o 28 de xaneiro. A data de inscrición rematou o pasado 10 de xaneiro e, como o número de inscritos supera o das prazas dispoñibles, este luns, 14 de xaneiro, realizarase o sorteo público das prazas no Salón de Plenos da Casa do Concello a partir das 12.00h.