[20-06-2018] O Concello de Ames, a través da Concellaría de Educación, informa de que está aberto o prazo para matricularse no programa de psicomotricidade e nos servizos complementarios municipais de educación para o curso 2018-2019. Os pais/nais do alumnado admitido terá que formalizar a matrícula dos seus fillos/as nas Oficinas Xerais do Milladoiro ou no Pazo da Peregrina de Bertamiráns. A matrícula nos servizos complementarios de educación tamén se pode facer a través da páxina web www.conciliames.org, aínda que despois hai que presentala por rexistro. As listas de usuarios/as renovados/as e de solicitudes admitidas pódense consultar na sección de Avisos da web municipal.
O programa de psicomotricidade educativa e preventiva, que está dirixida aos nenos/as de 3, 4 e 5 anos (etapa de educación infantil), desenvólvese nas aulas de psicomotricidade dos colexios de infantil, en Bertamiráns no CEIP A Maía e no CEIP Agro do Muíño, e no Milladoiro na escola infantil desta localidade. A actividade levarase a cabo cunha periodicidade dunha sesión semanal, cunha duración dunha hora, o longo do curso escolar. O obxectivo xeral que se persegue co programa de psicomotricidade educativa preventiva é favorecer o desenvolvemento do neno/a.
Unha vez publicadas as listas de usuarios/as renovados/as e admitidos/as no programa para o curso 2018-2019, os pais e nais dos nenos/as admitidos terán que formalizar a matrícula. Para iso ábrese un prazo que vai do 20 ata o 30 de xuño. Para obter máis formación pódese chamar ao número de teléfono 981 891 476 ou enviar un correo electrónico ao enderezo educacion@concellodeames.gal
Servizos complementarios de educación
Por outra banda, tamén está aberto o prazo de matrícula para os servizos complementarios municipais de educación ata o 6 de xullo. A formalización da matrícula pode facerse no departamento de Educación en Bertamiráns (de luns a venres) e na Oficina Municipal do Milladoiro (os luns, mércores e venres), previa cita chamando ao número de teléfono 981 884 991. Outra opción é facer a matrícula a través da páxina web www.conciliames.org, aínda que despois hai que presentala por rexistro.
Os servizos complementarios de educación engloban a Rede de comedores escolares e mailos programas Bos días cole e Tardes divertidas. Estes servizos, teñen como principal obxectivo conciliar a vida familiar e laboral de todos os veciños e veciñas de Ames. O servizo da Rede de comedores escolares está dirixido ao alumnado de infantil e primaria e funciona actualmente no CEIP A Maía, no CEIP Agro do Muíño, no CEIP de Barouta, no CEP de Ventín e na Escola de Educación Infantil do Milladoiro.
Os programas Bos días cole e Tardes divertidas desenvólvese tamén en cinco centros educativos como son o CEIP A Maía, o CEIP Agro do Muíño, no CEIP de Barouta, no CEP de Ventín e na EEI Milladoiro. Ambos os dous programas están dirixidos ao alumnado de segundo ciclo de Educación Infantil e Primaria. Para máis información pódese poñer en contacto co departamento de Educación en Bertamiráns chamando ao teléfono 981 891 476.
