[01-06-2018] O Concello de Ames informa de que xa se poden consultar as listaxes definitivas de admitidos/as nos servizos complementarios de Educación para o curso 2018-2019. Premendo nos enlaces que están a túa dereita, baixo o apartado de descargas, poderás consultar as listas de admitidos/as nos servizos de Bos días Cole, Tardes divertidas e na Rede municipal de comedores escolares. Debido a Lei de Protección de Datos non se poden publicar datos de carácter persoal nesta lista, pero pódese comprobar se un rapaz ou rapaza está admitido/a a través do número de rexistro que figura nesta lista e na copia do impreso de inscrición de cada usuario/a.
Estas listas tamén se poden consultar nas oficinas do departamento de Educación, situadas no Pazo da Peregrina, na Casa do Concello e nas oficinas municipais do Milladoiro. Para que a renovación sexa efectiva os pais/nais dos/as usuarios/as deberán estar ao corrente coas obrigas tributarias. Admítense cambios na data de inicio ou nos días de asistencia ata o 31 de agosto de 2018. Durante o mes de setembro non se admiten cambios.