[18-03-2016] O Concello de Ames informa de que xa está exposta a lista provisional de admitidos e excluídos no programa Primavera Lúdica. Premendo nos enlaces que están a túa dereita, baixo o apartado de descargas, poderás consultar esta lista. Debido a Lei de Protección de Datos non se poden publicar datos de carácter persoal nesta lista, pero pódese comprobar se un rapaz ou rapaza está admitido/a a través do número de rexistro que figura nesta lista e na copia do impreso de inscrición de cada usuario/a. Baixo o apartado de descargas poderás acceder tamén a información sobre os horarios e actividades da Primavera Lúdica. A recepción de nenos e nenas é ás 7:30 para os que teñan servizo de almorzo e ás 9:00 horas para os que non. A recollida é as 16:00 para os inscritos e inscritas que solicitasen o servizo de xantar, e ás 14:30 horas para os que non. En Bertamiráns as actividades da Primavera Lúdica desenvolveranse no CEIP de A Maía, e no Milladoiro na EEI do Milladoiro ou na Casa da Cultura do Milladoiro, segundo a idade de escolarización dos nenos e nenas inscritos.