Os “Seráns de Ames” desenvolveranse ao longo de tres xoves do mes de xullo e outros tres xoves do mes de agosto.

A iniciativa, que orixinalmente naceu no 2021 como os ‘Seráns de Tapia’ ofrecendo só espectáculos na praia fluvial de Tapia, foi medrando e trasladándose a outras parroquias do rural, apostando por diversificar as propostas culturais de Ames a diferentes localizacións do concello.

Este xoves, 13 de agosto, ás 21.00 horas, o lugar de Cruxeiras acolle a terceira entrega do programa dos Seráns de Ames 2026, a primeira do mes de agosto. Nesta xornada, o público poderá gozar das recentemente galardoadas coa medalla do Concello de Ames As Maianas.