Coa volta ás aulas e a chegada do outono, as bibliotecas municipais tamén retoman a súa programación habitual para os meses de setembro, outubro, novembro e decembro. Por unha banda, hai propostas de animación á lectura para o público infantil de 2 a 8 anos, con contacontos, e por outra, tamén hai obradoiros para a rapazada que cursa desde 3º de primaria en diante.

O programa de Baile para Maiores, unha iniciativa organizada polo departamento de Benestar Social do Concello de Ames. As sesións desenvolveranse o segundo domingo de cada mes, de 18.30 a 21.30h, na Casa da Cultura de Bertamiráns; e o último domingo de cada mes no Local de JUPEMI, no Milladoiro, de 18.00 a 21.00 horas. A música e a posibilidade de pasar unha tarde entretida son os principais reclamos desta actividade na que ademais os participantes coñecen a outras persoas nun ambiente festivo e distendido.

O programa Apego continúa a súa programación habitual para as pequenas e pequenos do concello durante os últimos meses do ano. Esta vez, a actividade que está por desenvolverse é o espectáculo Contos para caghar patatillas, de Brais das Hortas. Trátase dunha proposta chea de contos, música, humor, efectos especiais e participación do público. A través de todos estes recursos, os contos falan da valentía, e de que non é valente que non ten medo, senón quen é capaz de enfrontarse a el. Esta actividade, que é de balde, e que está dirixida a familias con crianzas de 3 anos en adiante, celebrarase o venres 30 de outubro, ás 18.00 horas, na Casa da Cultura do Milladoiro. O prazo de inscrición está aberto desde hoxe, xoves 22 de outubro, ata o vindeiro día 29 de outubro.

Ao longo dos meses de outubro, novembro e decembro organizarán diferentes actividades para poñer en valor o entorno natural de Ames e relacionadas con produtos e costumes propias desta época do ano. Deste xeito, haberá saídas para recoller cogomelos, obradoiros de cociña de outono, xornadas de recollida de lixo no rego do Ameneiral e no monte, unha ruta ambiental, un obradoiro de cosmética natural e maila sexta edición da feira do monte Tanto Monte, Monte Tanto. Para inscribirse nestas actividades hai que enviar o impreso de inscrición ao enderezo auladanatureza@concellodeames.gal.