Pestanas principais

Escola Municipal de Música

    • Enderezo: Casa da Cultura do Milladoiro. Travesía do Porto s/n. 15895. O Milladoiro
    • Teléfono: 981 535 940
    • Responsable técnico:  Almudena Caamaño Rodríguez, animadora sociocultural
    • Responsable Municipal:  Concellaría de Cultura
    • Enderezo (onde se imparten as clases da Escola Municipal de Música de Ames)
      • Edificio Multiusos de Aldeanova Rúa Costaneira 15220 – Ortoño- Ames
    • Destinatarios/as: Persoas empadroadas en Ames de 4 anos en diante
    • Horario de atención ao público:
      • Escola de Música: 9:30 a 13:30 horas
Outros Datos: 
  • Funcións:
    • Fomentar desde a infancia o coñecemento e apreciación da música, iniciando aos nenos e nenas desde os 4 anos de idade, na súa aprendizaxe, procurando que a Escola funcione como un centro educativo-cultural no que se realicen actividades relacionadas co mundo musical e outras disciplinas non comprendidas directamente na docencia: concertos, audicións, conferencias, presentacións de discos, libros, etc.
    • Desenvolver unha ensinanza instrumental orientada tanto á práctica individual como á práctica de conxunto.
    • Proporcionar unha ensinanza musical complementaria á práctica instrumental.
    • Fomentar nos alumnos/as o interese pola participación en agrupacións vocais e instrumentais.
    • Organizar actuacións públicas e participar en actividades musicais de carácter afeccionado.
    •  Desenvolver unha oferta diversificada de educación musical, sen límite de idade. A difusión xeral da música e da danza en todas as súas formas e estilos co fin de crear en Ames  un clima artístico participativo e dinámico no cal se desenvolva e fomente a creatividade
    • Orientar e proporcionar unha formación máis profunda a aqueles alumnos que pola súa capacidade e interese teñan condicións e vontade de acceder ao centro de ensinanzas musicais e de danza regradas.
  • Disciplinas:
    • Música e movemento
      Este ámbito formativo está dirixido exclusivamente ao alumnado de idades comprendidas entre os 4 e os 6 anos (cumpridos no ano natural do inicio do curso escolar), co fin de atender, con tratamento pedagóxico específico, o descubrimento e desenvolvemento das capacidades  expresivas, musicais e motrices, que permitan posteriormente a elección de un instrumento e unha práctica gozosa e convincente de ambas actividades artísticas.
      A duración das clases será de unha hora dous días á semana con un máximo de 12 alumnos/as por grupo. O número mínimo de alumnado será de 4. Os alumnos/as agruparanse en función do ano de nacemento.
    • Práctica Instrumental /vocal
      De acordo cos obxectivos xerais da EMMA, o ensino dun instrumento deberá motivar e desenvolver a afección pola música como fenómeno artístico e medio de comunicación persoal así como ocuparse dos procesos que permitan o estímulo e desenvolvemento conxunto das destrezas técnicas e das capacidades expresivas necesarias para o cultivo da práctica interpretativa individual e en grupo.
      Dirixido a maiores de 7 anos (cumpridos no ano do inicio do curso escolar) sen límite de idade, impártense clases individuais de media hora á semana (30 minutos). Os instrumentos aos que poden optar son: piano, violín/viola, frauta traveseira, saxofón, percusión/batería e guitarra. Tamén impartiranse clases de canto moderno e realizaranse as combinacións de agrupacións musicais, compatibles coa práctica instrumental individualizada. As clases para agrupación organizaranse anualmente en función da dispoñibilidade horaria do profesorado, tendo unha duración estimada de 45 minutos.
      Nestas agrupacións poderán participar aqueles alumnos/as matriculados na escola, previa consulta co profesor/a correspondente, ou mediante proba de acceso.
      O desenvolvemento de todos os instrumentos dependerá do número de usuarios/as matriculados anualmente, establecido pola Concellaría de Cultura en función das necesidades de espazo, capacidade e sustentabilidade económica do servizo. Só se poderá escoller un instrumento por curso.
    • Formación musical complementaria á práctica instrumental
      Este ámbito ofrecerá aos alumnos maiores de 7 anos (cumpridos no ano do inicio do curso escolar) un ensino que permita profundizar no coñecemento da linguaxe e teoría musical así como no desenvolvemento da educación auditiva, ofrecendo unha aprendizaxe de solfexo necesario para o estudo do instrumento, desenvolvemento das capacidades vocais, rítmicas, auditivas e expresivas.
      Esta materia de Linguaxe musical, impártese en dúas franxas de idade distintas: por un lado Linguaxe Musical para nenos/as dende os 7 anos ata a adolescencia e, por outro lado, Linguaxe Musical para adultos.
      As sesións serán dunha hora semanal, con grupos de 12 alumnos/as como máximo e  4 alumnos/as como mínimo, dependendo das idades.

Novas do departamento

A Escola Municipal de Música conta con prazas libres para o curso 2023-2024

A Escola Municipal de Música (EMMA) informa de que conta con prazas libres para as disciplinas de música e movemento e de frauta traveseira no curso 2023-2024, tras rematar o período de inscrición extraordinario o pasado luns, 11 de setembro. As persoas que aínda estean interesadas en participar nalgunha destas modalidades poderán anotarse ao longo do curso, cubrindo a ficha para anotarse e enviándoa a través da Sede electrónica do Concello ou entregándoa nos rexistros municipais.

A Escola Municipal de Música de Ames abre o prazo de inscrición extraordinario para o curso 2024-2025

Desde o luns 2 de setembro, e ata o vindeiro día 6, estará aberto o prazo de inscrición extraordinario da Escola Municipal de Música de Ames, a EMMA, de cara ao curso 2024-2025. A inscrición poderase realizar a través da Sede electrónica do Concello de Ames, ou ben de xeito presencial nos rexistros municipais. As clases darán comezo o 16 de setembro.

A Escola Municipal de Música de Ames abre o prazo de inscrición para novo alumnado no curso 2022-2023

Dende mañá xoves 1 e ata o xoves 15 de setembro estará aberto o prazo para que novo alumnado presente as súas solicitudes de praza na Escola Municipal de Música de Ames, a EMMA, de cara ao vindeiro curso 2022-2023. A inscrición poderase realizar a través da Sede electrónica do Concello de Ames, ou ben de xeito presencial nos rexistros municipais, pedindo cita previa na Sede electrónica. Premendo nesta ligazón pódese descargar o formulario de solicitude de renovación de praza. Está previsto que as novas altas comecen as clases na semana do 3 de outubro.

A Escola Municipal de Música de Ames abre o prazo de inscrición para novo alumnado no curso 2024/2025

Desde hoxe, 27 de maio, e ata o venres 7 de xuño, estará aberto o prazo para que novo alumnado presente as súas solicitudes de praza na Escola Municipal de Música de Ames, a EMMA, de cara ao vindeiro curso 2024-2025. A inscrición pode realizarse a través da Sede electrónica do Concello de Ames, ou ben de xeito presencial nos rexistros municipais, sen necesidade de solicitar cita previa. Premendo nesta ligazón pódese descargar o formulario de solicitude de praza. Está previsto que as clases comecen o 16 de setembro.

A Escola Municipal de Música de Ames abre o prazo de preinscrición para as novas prazas do curso 2019-2020

A Escola Municipal de Musica de Ames, dependente da Concellaría de Cultura, abre entre o 29 de maio e o 10 de xuño o prazo de preinscrición para as novas prazas do curso 2019-2020. Este período de preinscrición está dirixido ás persoas que desexen comezar estudios musicais na EMMA. No caso de que haxa máis persoas inscritas que prazas ofertadas realizarase un sorteo público o mércores, 12 de xuño, ás 20:30 horas, na Casa da Cultura do Milladoiro. Premendo nos enlaces que están a túa dereita, baixo o apartado de descargas, poderás obter máis información sobre as novas prazas da EMMA, así como o impreso de preinscrición.

A Escola Municipal de Música de Ames abre o prazo de renovación para o alumnado que xa estivo matriculado neste curso

Dende mañá mércores 1 de xuño estárá aberto o prazo para que o alumnado da Escola Municipal de Música de Ames, a EMMA, poida renovar a súa praza de cara ao vindeiro curso 2022-2023. Ata o 10 de xuño poderase realizar a solicitude a través da Sede electrónica do Concello de Ames, ou ben de xeito presencial nos rexistros municipais, pedindo cita previa na Sede electrónica. Premendo nesta ligazón pódese descargar o formulario de solicitude de renovación de praza.

A Escola Municipal de Música de Ames abre o vindeiro martes o prazo de renovación de praza para alumnado matriculado neste curso

A partir do vindeiro martes, 2 de maio, estará aberto o prazo para que o alumnado da Escola Municipal de Música de Ames  (EMMA) poida renovar a súa praza de cara ao vindeiro curso 2023-2024. A solicitude poderase realizar ata o xoves 11 de maio, a través da Sede electrónica do Concello de Ames, ou ben de xeito presencial nas Oficinas de asistencia en materia de rexistro, situadas na Casa do Concello (Bertamiráns) e na Oficina municipal do Milladoiro. Premendo nesta ligazón podes descargar o impreso de solicitude de renovación de praza.

A Escola Municipal de Música de Ames abre o vindeiro xoves o prazo de renovación de praza para alumnado matriculado neste curso

A partir do vindeiro xoves, 2 de maio, estará aberto o prazo para que o alumnado da Escola Municipal de Música de Ames  (EMMA) poida renovar a súa praza de cara ao vindeiro curso 2024-2025. A solicitude poderase realizar ata o venres 10 de maio, a través da Sede electrónica do Concello de Ames, ou ben de xeito presencial nas Oficinas de asistencia en materia de rexistro, situadas na Casa do Concello (Bertamiráns) e na Oficina municipal do Milladoiro. Premendo nesta ligazón podes descargar o impreso de solicitude de renovación de praza.

A Escola Municipal de Música de Ames abre o xoves o prazo de inscrición para novo alumnado no curso 2023-2024

Desde este xoves, día 1 de xuño, e ata o luns 12, estará aberto o prazo para que novo alumnado presente as súas solicitudes de praza na Escola Municipal de Música de Ames, a EMMA, de cara ao vindeiro curso 2023-2024. A inscrición pode realizarse a través da Sede electrónica do Concello de Ames, ou ben de xeito presencial nos rexistros municipais, sen necesidade de solicitar cita previa. Premendo nesta ligazón pódese descargar o formulario de solicitude de praza. Está previsto que as novas altas comecen as clases o 15 de setembro. 

A Escola Municipal de Música de Ames abre un novo prazo de inscrición extraordinario para o curso 2023-2024

O vindeiro luns, 11 de decembro, comeza o prazo para inscribirse nas prazas que quedaron libres na Escola Municipal de Música (EMMA), para o curso 2023-2024. As vacantes son nas disciplinas de música e movemento, percusión e batería, e frauta traveseira. Aqueles que aínda estean interesados en participar nalgunha destas modalidades poderán inscribirse cubrindo esta ficha e enviándoa a través da Sede electrónica do Concello ou entregándoa nas oficinas de asistencia en materia de rexistro do Concello de Ames (en Bertamiráns e no Milladoiro). Ao ser un prazo extraordinario de inscrición as prazas adxudicaranse por orde de entrada da solicitude en rexistro.

Eventos del departamento

>Audicións de violín da EMMA

O alumnado de violín da Escola Municipal de Música participará este mércores, 17 de abril, ás 18.30 horas, nunha audición co obxectivo de compartir o que aprenderon ao longo deste curso. Interpretarán pezas de estilos musicais moi variados. En dita audición participará todo o alumnado matriculado nesta especialidade instrumental (23 alumnos/as). A audición realizarase na Aula 10.

>Concerto de fin de curso da EMMA

O xoves, 20 de xuño, remata o curso lectivo 2023/2024 na Escola Municipal de Música de Ames. Como soe ser tradicional, para pechar o curso realízase un concerto, que se desenvolverá ás 19.30 horas na pista de fútbol sala do Milladoiro (ao lado das piscinas). Participará alumnado repartido en diferentes agrupacións, onde poderán despregar todo o seu talento e demostrar así todo o aprendido durante o curso. Escoitarase un repertorio musical moi variado, que inclúe pezas de estilo tradicional, clásico e moderno.

>Concerto Miúdo da EMMA

O martes 7 de febreiro, ás 19:00 horas, a Casa da Cultura de Bertamiráns acollerá o Concerto Miúdo da man dos alumnos e alumnas da Escola Municipal de Música de Ames. A entrada será de balde ata completar aforo.

>Concerto: "En clave clásica"

O sábado 19 de outubro, ás 19:00 horas, terá lugar no auditorio da Casa da Cultura de Bertamiráns o concerto de música clásica “En clave clásica”. A velada contará coa interpretación e dirección dos artistas do Centro Superior de Música de Galicia, tutelados polo mestre Boris Perrenoud, director da Wiener Musikakademie. Os convites poden retirarse a través da Billeteira electrónica.

>Concerto: "En clave clásica"

O sábado, 6 de abril, ás 19:00 horas, terá lugar no auditorio da Casa da Cultura do Milladoiro o concerto de música clásica “En clave clásica”. A velada contará coa interpretación e dirección dos artistas do Centro Superior de Música de Galicia, tutelados polo mestre Boris Perrenoud, director da Wiener Musikakademie. Os convites poden retirarse a través da Billeteira electrónica.

>Festival de Entroido da Emma

O venres 9 de febreiro, ás 20:00 horas, a Casa da Cultura de Bertamiráns acolle o Festival de Entroido da Escola Municipal de Música (EMMA). A entrada será de balde ata completar o aforo.

>III Encontro de Escola Municipais de Música

 Escola Municipal de Música de Ames (EMMA) vén de anunciar un novo encontro coas escolas de música de Carnota e Caldas de Reis. A xuntanza terá lugar o venres 3 de maio, ás 18:30 horas, na Praza de Chavián, en Bertamiráns. Trátase da terceira edición deste encontro, que xa se celebrou o pasado ano e que acadou gran éxito entre a veciñanza amesá.

>Obradoiro musical: Batucada

Durante o mes de abril, a Escola Municipal de Música organiza unha serie de obradoiros musicais dirixidos á veciñanza amesá. O derradeiro obradoiro deste ciclo terá lugar o sábado 27 de abril, e estará dirixido pola asociación Trópico de Grelos. A proposta busca achegar á cidadanía á batucada, e experimentar a percusión dun xeito accesible, dinámico e grupal. Os participantes aprenderán así a relacionarse co instrumento a través de xogos rítmicos, entrando nun ambiente festivo que convida ao movemento e ao baile.

>Obradoiro musical: Home Studio

Durante o mes de abril, a Escola Municipal de Música organiza unha serie de obradoiros musicais dirixidos á veciñanza amesá. Así,  o segundo dos cursos celebrarase o 13 de abril, e estará dirixido por Juanjo Abella López, profesor de música electrónica e tecnoloxía musical. Neste taller, a veciñanza aprenderá que é e como funciona un home studio, e descubrirá as amplas posibilidades que ofrece, desde a edición de son ata a produción de cancións propias.

>Obradoiro musical: Teatro musical

Durante o mes de abril, a Escola Municipal de Música organiza unha serie de obradoiros musicais dirixidos á veciñanza amesá. O sábado 20 de abril Manuel Díaz Abreu achegará aos participantes do terceiro obradoiro ás distintas disciplinas do teatro musical: a interpretación, a danza, o movemento, a voz... Todo mediante xogos teatrais, nos que se traballarán esas disciplinas. Así, os participantes lograrán adquirir unha certa técnica e tamén aprender a improvisar.