- Enderezo: Alcalde Lorenzo, nº 2, Bertamiráns.
- Teléfono: 680 29 72 35
- mobilidade@concellodeames.gal
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Mobilidade
Pestanas principais
Departamento de Mobilidade
Servizos e programas
O Concello de Ames, a través da Concellaría de Mobilidade vén de lanzar a campaña informativa sobre a redución da velocidade no interior dos núcleos urbanos de Bertamiráns e do Milladoiro. Baixo o lema “A 30 Ames é máis” preténdese que o concello sexa máis amable, máis divertido, máis saudable e máis noso... Trátase dunha campaña de sensibilización sobre a importancia da velocidade a 30 km/h no interior das zonas urbanas de Ames. Para difundir dita campaña entre a veciñanza elaboráronse carteis, folletos informativos e unhas chapas con refráns e mensaxes motivadoras.
O PMUS pretende sentar as bases dunha nova cultura onde o peón se converta no principal protagonista e se relegue o uso do transporte privado. Este plan concrétase en doce programas de actuación que se van desenvolver entre o 2022 e o 2029. O Plan de Mobilidade Urbana Sostible está cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020.
Novas do departamento
Na Xunta de Goberno Local celebrada o 21 de xullo de 2022 aprobouse o expediente de licitación, mediante procedemento aberto simplificado, da obra para a creación de carreiros escolares nos centros urbanos de Bertamiráns e O Milladoiro, que estará cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020. Este proxecto ten un orzamento base de contratación de 411.283 euros. O obxectivo é crear uns carreiros escolares seguros dentro do entorno urbano que melloren a seguridade peonil.
A Xunta envioulle este martes, 15 de febreiro, ao Concello de Ames unha nova proposta alternativa para optimizar os servizos de autobús entre Ortoño e Bugallido con Santiago de Compostela. A Xunta propón asumir un incremento de frecuencias na liña que conecta as parroquias de Ortoño e Bugallido con Santiago, no marco da concesión de autobús interurbano. Ademais, a proposta remitida optimiza o número de servizos da nova liña municipal, que deberá poñer o Concello para completar a oferta aos usuarios, reducindo considerablemente o custo. A Dirección Xeral de Mobilidade convida ao Concello de Ames a valorar a alternativa proposta, que reduce o custo económico para a Administración local, á vez que se axusta mellor ás necesidades de mobilidade dos veciños do rural. A vindeira semana realizarase unha xuntanza coas asociacións de veciños/as de Ortoño e Bugallido para coñecer a súa valoración sobre dita proposta. Preme nesta ligazón para consultar a proposta feita pola Xunta.
O Concello de Ames, a través da Concellaría de Mobilidade, informa de que debido á previsión de choiva para os días 16 e 17 de setembro se adían as actividades da Semana Europea da Mobilidade. Deste xeito, o venres 22 haberá unha marcha ciclista nocturna, o sábado 23 realizaranse xogos populares, e o domingo 24 farase unha andaina pola senda verde. Os/as interesados/as en inscribirse poden facelo enviando un correo electrónico ao enderezo mobilidade@concellodeames.gal. Este é a quinta edición desta iniciativa que promove a mobilidade activa, o transporte público e outros medios limpos e intelixentes.
Este xoves, 11 de marzo, a Xunta de Goberno Local aprobou a adxudicación do contrato de adecuación e instalación do alumeado público no sendeiro que une a localidade de Bertamiráns co CEIP Agro do Muíño. Este proxecto foi adxudicado á empresa Montaxes Eléctricos Fernández SL por un importe de 30.189,50 euros (IVE incluído). Dita actuación está cofinanciado polo Fondo Europeo de Desenvolvemento Rexional (FEDER), no marco do Programa Operativo Plurirrexional de España 2014-2020.
A Xunta de Goberno Local vén de aprobar a adxudicación do proxecto de creación de carreiros escolares que conectarán os núcleos urbanos de Bertamiráns e do Milladoiro cos centros de ensino. O proxecto de creación de sendeiros en Bertamiráns foi adxudicado á empresa Excavaciones y Transportes Ivanca SL por importe de 192.679,66 euros (IVA incluído), mentres que o proxecto de creación de sendeiros no Milladoiro adxudicouse á empresa SYR-AMG SL por importe de 210.080,80 euros (IVA incluído). Esta actuación está cofinanciada polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020. O obxectivo é crear uns carreiros escolares seguros dentro do entorno urbano que melloren a seguridade peonil.
A Concellaría de Mobilidade, coa colaboración da Policía Local, organiza un proxecto educativo para concienciar aos nenos e nenas sobre as normas básicas de seguridade viaria. Celebrarase o sábado 12 de xuño cunha serie de actividades dirixidas a nenos e nenas de 6 a 12 anos. A xornada terá lugar no Aparcadoiro da Rúa Palmeiras en Milladoiro ás 17:00 horas. Para asistir é preciso inscribirse, antes do 11 de xuño ás 12.00 horas, enviando un email a mobilidade@concellodeames.gal indicando nome e idade do neno ou nena. O/as participantes deberán levar bicicleta, casco e máscara.
O Concello de Ames, a través da Concellaría de Mobilidade, organizou unha programación específica para conmemorar a III Semana Europea da Mobilidade. Estas actividades vanse desenvolver en Ames do 16 ao 22 de setembro. O programa comeza cunha Marcha ciclista nocturna. Ademais haberá actividades e xogos populares en bici, unha andaina pola senda O Milladoiro – Bertamiráns e talleres de iniciación á bicicleta. A campaña remata con catro sesións da charla “Querémoste seguro/a” dirixida ás persoas maiores. Para participar nestas actividades é necesario inscribirse previamente.
Esta mañá o Goberno municipal presentou no Milladoiro a nova campaña “Os Camiños da Saúde”. Trátase de dous “pasominuto” que inclúen recorridos entre puntos de interese en Bertamiráns e no Milladoiro medidos en pasos e minutos aproximados, para que a veciñanza gañe saúde con cada paso. Propóñense diferentes tramos urbanos para facer camiñando, que van dos 50 ao 11.00 pasos en Bertamiráns, e dos 50 aos 8.000 pasos no Milladoiro. Un “pasominuto” é un mapa esquemático de percorridos entre puntos de interese de O Milladoiro e Bertamiráns medidos en pasos e minutos. O obxectivo é incorporar na vida diaria da veciñanza o hábito de andar e gañar en saúde con cada paso que deamos. Premendo nesta ligazón podes descargar o pasominuto de Bertamiráns e do Milladoiro.
Hoxe, 22 de setembro, ponse fin á conmemoración da IV Semana Europea da Mobilidade en Ames. O Concello de Ames, a través da Concellaría de Mobilidade, organizou dende o pasado 16 de setembro unha serie de actividades a prol da mobilidade activa, do transporte público e doutros medios limpos e intelixentes. Deste xeito, o programa incluíu andainas, xogos, coloquios, mostras e marchas ciclistas ao longo da semana. A temática escollida pola Comisión Europea para este ano foi “Mellores conexións”, coa que se pretendeu difundir os beneficios de uso das formas de transporte sostibles.
Con motivo do día da Seguridade Viaria, que se conmemorou o 10 de xuño, a Concellaría de Mobilidade organizou o programa de Rodeiros Brancos, para realizar dous percorridos pola rúa nos que os/as participantes van vestidos/as de branco e cunha luz-linterna branca na cabeza, utilizando un método de mobilidade sostible. A través desta actividade reivindícase a utilización de medios de mobilidade sostible. O primeiro Rodeiro Branco realizouse o pasado venres en Bertamiráns e consistiu nunha saída nocturna en bicicleta de 8 quilómetros. Nesta actividade participaron arredor de 80 persoas. O segundo Rodeiro Branco será o venres, 17 de xuño, no Milladoiro, no que se fará un rodeiro curto de 1.730 metros en bicicleta, monopatín, patíns ou patinete. Para participar na actividade do Milladoiro hai que inscribirse previamente enviando un correo electrónico ao enderezo mobilidade@concellodeames.gal. Os/as nenos/as deberán estar acompañados/as dunha persoa adulta.
- ‹ anterior
- 2 de 9
- seguinte ›
Eventos del departamento
A campaña remata coa charla “Querémoste seguro/a”. Esta charla está dirixida ás persoas maiores é tratará a seguridade viaria e as inquedanzas destes sobre a mobilidade no concello. As charlas serán impartidas polos Coordinadores provinciais de Educación Viaria da Coruña.
Estas xuntanzas van percorrer o concello con catro sesións.
O mércores 22 as charlas desprázanse ata o Local Social de Bugallido onde os nosos maiores se van achegar á campaña “Querémoste seguro” entre as 17:00 e as 18:00 horas. Será na Casa dos Maiores entre as 18:30 horas e as 19:30 cando se realice a cuarta e última sesión. Para participar non é necesaria inscrición previa, a entrada será libre ata completar aforo.
A III Semana Europea da Mobilidade remata coa charla “Querémoste seguro/a”. Esta charla está dirixida ás persoas maiores é tratará a seguridade viaria e as inquedanzas destes sobre a mobilidade no concello. As charlas serán impartidas polos Coordinadores provinciais de Educación Viaria da Coruña.
Estas xuntanzas van percorrer o concello con catro sesións. O martes 21 terá lugar a primeira sesión no Local Social da Ameixenda entre as 17:00 horas e as 18:00 horas. Seguidamente, entre as 18:30 horas e as 19:30 horas haberá unha segunda sesión no Local Social de Trasmonte.
A programación da Semana Europea da Mobilidade pecharase o martes 20, con dúas charlas para as persoas maiores cos coordinadores provinciais de educación viaria da Coruña, baixo o lema “Sabelo é empezar a evitalo”.
A Concellaría de Mobilidade, coa colaboración da Policía Local, organiza un proxecto educativo para concienciar aos nenos e nenas sobre as normas básicas de seguridade viaria. Celebrarase o sábado 12 de xuño cunha serie de actividades dirixidas a nenos e nenas de 6 a 12 anos. A xornada terá lugar no Aparcadoiro da Rúa Palmeiras en Milladoiro ás 17:00 horas. Para asistir é preciso inscribirse, antes do 11 de xuño ás 12.00 horas, enviando un email a mobilidade@concellodeames.gal indicando nome e idade do neno ou nena. O/as participantes deberán levar bicicleta, casco e máscara.
Un taller de iniciación pensado para que as mulleres maiores de 55 aprendan a andar en bicicleta. A actividade vaise desenvolver os días 16, 17 e 18 de setembro no aparcamento de Agriños no Milladoiro. As mulleres participantes poderán escoller entre dous horarios: de 16:00 a 18:00 horas e de 18:00 a 20:00 horas. Para participar nesta actividade é necesario inscribirse previamente enviando un correo electrónico ao enderezo promociondasaude@concellodeames.gal.
O Concello de Ames celebra do 16 ao 22 de setembro a II Semana Europea da Mobilidade. Unha das actividades previstas dentro de dita programación é a marcha ciclista nocturna, prevista para o ventes 18 de setembro, ás 22.00 horas. Deste xeito, farase un percorrido de 8 quilómetros con boa iluminación e fácil percorrido, pensado para que nela poida participar toda a familia. Para participar nesta actividade é necesario inscribirse previamente enviando un correo electrónico ao enderezo mobilidade@concellodeames.gal. Ofértanse un máximo de 75 prazas para participar neste actividade. A cada participante entregaráselle de agasallo unha camiseta.
As actividades de conmemoración da Semana Europea da Mobilidade comezan este venres, 16 de setembro, cunha marcha ciclista nocturna que partirá ás 22:00 horas da praza do Concello, en Bertamiráns.
Amarcha nocturna sairá ás 22:00 horas da Praza do Concello. Serán 8 km con boa iluminación e un traxecto sinxelo pensado para que poida participar toda a familia. É necesario inscribirse previamente enviando un correo electrónico ao enderezo mobilidade@concellodeames.gal.
Desenvolverase na Praza de Chavián en Bertamiráns e é unha actividade destinada aos rapaces e rapazas de máis de 10 anos.
- ‹ anterior
- 2 de 2