Pestanas principais

Departamento de Bibliotecas

    • Biblioteca Municipal de Bertamiráns: Praza de Chavián s/n. 15220. Bertamiráns, Ames
    • Biblioteca Municipal do Milladoiro: Rúa Raxoeira, nº 14 baixo. 15895. O Milladoiro, Ames
    • Horario de atención ao público:
      • Inverno: (16 de setembro a 15 de xuño)
      • De Luns a Venres: de 9.00 a 20.50h.
      • Sábados: de 9.00 a 13.50h.
      • Verán: (16 de xuño a 15 de setembro)
      • De Luns a Venres: de 9.00 a 14.00h.
    • Responsable municipal: Concellaría de Cultura
Outros Datos: 
  • Programación actividades bilbiotecas outubro-decembro 2020
  • Funcións:
    • Reunir, organizar e pór a disposición da comunidade un conxunto equilibrado de materiais bibliográficos, gráficos, audiovisuais ou noutros soportes, que permitan o acceso á información e a afondar nos distintos campos do coñecemento.
    • Ser en si mesma o centro básico de información da área á que serve.
    • Promover, estimular e fomentar o uso dos seus fondos entre a cidadanía, mediante os servizos necesarios e as actividades educativas e culturais complementarias, incidindo na poboación infantil e xuvenil e nos colectivos de usuarios/as con características especiais.
    • Cooperar coas demais bibliotecas mediante o intercambio de información, préstamo interbibliotecario e realización conxunta de actividades.
  • Normativa:

-Regulamento da Biblioteca Municipal de Ames

  • Lei de Bibliotecas de Galicia:

-Descargar PDF.

  • Documentos:

-Catálogo da Biblioteca.

-Guía da Biblioteca.

-Inscrición na biblioteca.

  • Centros de interese:

-Descargar PDF.

  • Seccións por idades:

-Descargar PDF.

  • Desideratas:

-Descargar PDF.

 

Novas do departamento

A xornalista e escritora, Marga Tojo, presenta o poemario “Arder” dentro dos encontros literarios das Bibliotecas municipais

As bibliotecas amesás celebran unha nova edición dos seus encontros literarios, nesta ocasión acollendo á xornalista e escritora Marga Tojo e ao seu libro "Arder: poética do que acontece na cidade". Será este xoves 17 de novembro, ás 20:00 horas, no Pazo da Peregrina de Bertamiráns. Acompañará á autora a xornalista Elena Martín, de Xarda Cooperativa Galega de Comunicación, nun acto presentado pola concelleira de Cultura, Natividade González.

Abertas as inscricións para participar nos contacontos de xaneiro da biblioteca de Bertamiráns

Dende este luns, 9 de xaneiro, está aberto o prazo para inscribirse nunha nova actividade de animación á lectura, desta volta na biblioteca de Bertamiráns, que organiza tres sesións de contacontos. Celebraranse os días 17, 18 e 19 de xaneiro ás 17:30 horas, e están dirixidos a cativos e cativas de entre 3 e 8 anos. Para anotarse é necesario enviar un correo electrónico ao enderezo biblioteca@concellodeames.gal, indicando nomes, apelidos, idades dos nenos/as e un teléfono de contacto ou chamar ao número 981 884 829.

Aberto o prazo de inscrición nos obradoiros de creación de debuxos animados das bibliotecas municipais

Dende hoxe, e ata o vindeiro xoves, 20 de abril, está aberto o prazo de inscrición no obradoiro “A máquina de facer debuxos animados”, organizado polo departamento de Bibliotecas de Ames. O taller está dirixido á rapazada que cursa estudos a partir de terceiro de Primaria, e terá lugar na biblioteca do Milladoiro o venres 21 de abril, ás 17:30 horas, e na de Bertamiráns o sábado 22, ás 11:30 horas. Para anotarse é preciso escribir a biblioteca@concellodeames.gal indicando os datos persoais. 

Aberto o prazo de inscrición nos obradoiros de “Zentangle”

Dende o martes, 2 de maio, e ata o vindeiro mércores, 10 de maio, está aberto o prazo de inscrición no obradoiro “Zentangle”, organizado polo departamento de Bibliotecas de Ames. Trátase dunha técnica artística que consiste na creación de imaxes a través de patróns que se repiten. O taller está dirixido á rapazada que cursa estudos a partir de terceiro de Primaria, e terá lugar na biblioteca do Milladoiro o venres 12 de maio, ás 17:30 horas, e na de Bertamiráns o sábado 13, ás 11:30 horas. Para anotarse é preciso escribir a biblioteca@concellodeames.gal indicando os datos persoais.

Abre o prazo de inscricións para participar nos contacontos de febreiro da biblioteca de Bertamiráns

Dende este luns, 6 de febreiro, está aberto o prazo para inscribirse nunha nova actividade de animación á lectura, desta volta na biblioteca de Bertamiráns, na que se organizan tres sesións de contacontos. Celebraranse os días 14, 15 e 16 de febreiro ás 17:30 horas, e están dirixidos a crianzas de entre 3 e 8 anos. Para anotarse é preciso enviar un correo electrónico ao enderezo biblioteca@concellodeames.gal, indicando nomes, apelidos, idades dos nenos/as e un teléfono de contacto. Tamén se pode chamar ao número 981 884 829. Para consultar a programación de contacontos do primeiro semestre do ano ao completo pódese premer nesta ligazón.

Abre o prazo de inscricións para participar nos contacontos de maio da biblioteca de Bertamiráns

Dende este martes, 2 de maio, está aberto o prazo para inscribirse nunha nova actividade de animación á lectura, desta volta na biblioteca de Bertamiráns, na que se organizan tres sesións de contacontos. Celebraranse os días 9, 10 e 11 de maio ás 17:30 horas, e están dirixidos a crianzas de entre 3 e 8 anos. Para anotarse é preciso enviar un correo electrónico ao enderezo biblioteca@concellodeames.gal, indicando nomes, apelidos, idades dos nenos/as e un teléfono de contacto. Tamén se pode chamar ao número 981 884 829. Para consultar a programación de contacontos do primeiro semestre do ano ao completo pódese premer nesta ligazón.

Alfredo Conde presenta o seu libro, “Homes de ferro”, este xoves, 5 de marzo, no Pazo da Peregrina de Bertamiráns

O Pazo da Peregrina de Bertamiráns acolle este xoves, 5 de marzo, ás 20.30 horas, a presentación de “Homes de ferro” de Alfredo Conde. Unha novela publicada pola Editorial Ézaro que trata a peregrinación por mar dende Irlanda a Compostela. A obra forma parte do programa “O teu Xacobeo”, impulsado pola Xunta, co que se busca potenciar o patrimonio cultural vinculado ao Camiño de Santiago. A entrada ao evento é de balde ata completar aforo.

Alfredo Conde presenta o seu último libro “A conto do político” dentro do programa Encontros Literarios

A edición deste ano do programa Encontros Literarios continúa este xoves, 7 de marzo, coa presentación da obra “A conto do político”, de Alfredo Conde. Estará acompañado do autor, investigador e crítico, Xosé Antonio López Silva. O acto, que estará presentado polo alcalde de Ames, Blas García, será ás 20:00 horas no Pazo da Peregrina, en Bertamiráns. A entrada será libre ata completar aforo.

Ames celebra este venres, 23 de abril, o Día do Libro no Pazo da Peregrina

O 23 de abril celébrase o Día do Libro. Con este motivo, as bibliotecas municipais do Concello de Ames veñen de organizar durante todo o mes de abril diferentes actividades. O propio Día do Libro, os eventos terán lugar no Pazo da Peregrina. Comezarase ás 17.00 horas con contacontos infantís, continuarase con obradoiros e rematarase coa entrega de premios do concurso de debuxo organizado polas bibliotecas municipais. Ademais, ás 19.00 horas, celebrarase unha actuación musical infantil, “Soñando inventei”, a cargo de María Faltri e Jorge Juncal. Trátase dun espectáculo no que a través de cancións se traballa o tema da diversidade e a igualdade de xénero. Por último, o xoves 29 de abril, ás 19.00 horas, presentarase, tamén no Pazo da Peregrina, o libro que recolle os textos gañadores do certame literario do Concello de Ames de 2020.

Ames celebrou o Día do Libro con varias actividades e a entrega do libro cos textos finalistas do XVIII Certame Literario

Os departamentos de Bibliotecas e de Normalización Lingüística de Ames celebraron este sábado 23 de abril o Día Internacional do Libro, cunha serie de propostas ao longo de toda a xornada. Neste senso, o Pazo da Peregrina acolleu pola mañá a presentación do libro cos textos finalistas do XVIII Certame Literario de Ames, ao que acudiron varias das persoas gañadoras da edición de 2021 do premio. Ademais, as bibliotecas amesás organizaron varias actividades para todos os públicos ao longo do día, que incluíron obradoiros e sesións de contacontos, polas que pasaron arredor dun cento de persoas. Preme aquí para consultar a galería de fotos da presentación do libro do XVIII Certame Literario.

Eventos del departamento

> Encontros literarios: Alfredo Conde

O mes de novembro arrinca cunha nova cita do programa “Encontros Literarios de Ames”. Nesta ocasión, o escritor Alfredo Conde presentará o seu libro “A conto do literario”, un relato do seu tránsito polos sistemas literarios galego e español. Será este xoves 3 de novembro ás 20:00 horas, no Pazo da Peregrina de Bertamiráns.

> Encontros literarios: Avelaíñas Eléctricas, de Sica Romero

O departamento de Bibliotecas amesán acolle esta semana dúas novas presentacións de libros, achegando un mes máis novos proxectos literarios á veciñanza. O xoves é a quenda da escritora Sica Romero, que vai presentar a súa primeira novela, “Avelaíñas Eléctricas”, a historia de dúas rapazas que intentan fuxir dos seus lobos e das súas sombras. Esta será a última presentación deste curso.

> Encontros literarios: Charo Pita

O mércores 26 de abril, ás 20:00 horas, terá lugar un novo Encontro Literario organizado polas bibliotecas municipais. Desta volta, a autora protagonista será Charo Pita, que presentará a súa obra "Del cacao al chocolate, mitos y leyendas", da editorial Libros de las Malas Compañías. Será no Pazo da Peregrina de Bertamiráns.

> Encontros literarios: Chévere

As bibliotecas municipais de Ames abren 2023 acollendo o encontro literario con Patricia de Lorenzo e o seu libro "Chévere: trinta e cinco anos de axitación cultural". Será o mércores 18 de xaneiro, ás 20:00 horas, no Pazo da Peregrina de Bertamiráns. A autora estará acompañada por Miguel de Lira e Xesús Ron, integrantes do grupo teatral Chévere, nun acto que presentará a concelleira de Cultura, Natividade González.

> Encontros literarios: Diego Rojo e Krzysztof Powałka

Co inicio do curso escolar 2022-2023 volven unhas das principais actividades de animación á lectura para o público adulto das bibliotecas amesás. Os encontros literarios en Ames arrincan este xoves 1 de setembro coa presentación da obra “O roubo do sol”, un poemario de Diego Rojo con ilustracións do artista polaco Krzysztof Powałka. Será ás 20:30 horas, na biblioteca municipal de Bertamiráns. Ilustrador e escritor estarán acompañados polo editor Paulo Nogueira, nun acto presentado pola concelleira de Cultura, Natividade González. A entrada será libre ata completar aforo.

> Encontros literarios: Eduardo Estévez

As bibliotecas de Ames celebran o seu segundo encontro literario do curso 2022-2023 acollendo ao escritor Eduardo Estévez, que presenta o seu poemario “Venecia abandonada”, un libro CD con música do Grupo 1500. Será este xoves 29 de setembro ás 20:00 horas, no Pazo da Peregrina de Bertamiráns. Acompañará ao autor o poeta Estevo Creus, nun acto presentado pola concelleira de Cultura, Natividade González. A entrada será libre ata completar aforo.

> Encontros literarios: Fernando Franjo

As bibliotecas amesás celebran unha nova edición dos seus encontros literarios, nesta ocasión acollendo ao xornalista Fernando Franjo e ao seu libro “Memorias do Café Derby (1929-2020)”. Será este xoves 20 de outubro, ás 20:00 horas, no Pazo da Peregrina de Bertamiráns. Acompañará ao autor Xosé Antonio López Silva, autor, investigador e crítico, nun acto presentado pola concelleira de Cultura, Natividade González.

> Encontros literarios: Francisco Leira

As bibliotecas municipais de Ames pechan o ano cun novo encontro literario. Nesta ocasión acollendo ao doutor en Historia, Francisco Leira Castiñeira, e ao seu libro "Los Nadies de la Guerra de España". Será este mércores 21 de decembro, ás 20:00 horas, no Pazo da Peregrina de Bertamiráns. Acompañará ao autor o profesor e tradutor, Xabier Ron, nun acto presentado pola concelleira de Cultura, Natividade González.

> Encontros literarios: Juan Galán

O terceiro dos encontros literarios programados polo departamento de Bibliotecas de Ames contará coa presenza de Juan Galán, que presentará a obra "El eco de tu voz", unha obra editada por Medulia. O autor estará no Pazo da Peregrina o xoves 30 de marzo, ás 20:00 horas. 

> Encontros literarios: Marga Tojo

As bibliotecas de Ames celebran unha nova edición dos seus encontros literarios do curso 2022-2023 este xoves 17 de novembro. A escritora Marga Tojo presentará "Arder", un poemario editado por Edicións Positivas. A entrada é libre ata completar aforo.