Pestanas principais

>Radio Bulebule de Paco Nogueiras no Milladoiro

Venres, 13 novembro, 2020
Ás 18:00 horas

Paco Nogueiras, compositor e intérprete, conducirá o venres, 13 de novembro ,o concerto virtual Radio Bulebule. Esta sesión, dirixida a nenos e nenas, combinará humor, baile e cancións a través das pantallas. O prazo de inscrición está aberto ata o xoves 12 de novembro e as familias interesadas en participar deberán enviar un correo electrónico ao enderezo: normalizacion@concellodeames.gal.

O programa Apego do Concello de Ames vai continuar realizando parte das súas actividades durante o último trimestre do ano, aínda que dun xeito diferente. Sempre que a actividade o permita, pasarase a formato virtual para que as familias poidan seguir participando nas actividades desde as casas e gozando de recursos que enriquezan a crianza e faciliten a transmisión da lingua.

A sesión de “Radio Bulebule”, dirixida por Paco Nogueiras, compositor e intérprete, realizarase virtualmente. Para poder participar as familias terán que inscribirse, aínda que non haberá límite de prazas. Desde o Servizo de Normalización Lingüística enviaráselles unha ligazón que lles permitirá acceder á sesión a través de calquera dispositivo con pantalla e conexión á rede.

O concerto virtual Radio Bulebule é unha proposta educativa e de lecer dirixida a familias con crianzas menores de 6 anos. A sesión, a través de 12 cancións do libro-disco da editorial Kalandraka, pretende achegar á rapazada á comunicación e ao xornalismo. Os temas dispóñense a modo de grella de programación na que teñen espazo a axenda cultural, magazine de variedades -tendencias, ciencia, naturaleza- , música, tertulia, novas, información deportiva e previsión meteorolóxica. Nas letras das cancións, Paco Nogueiras intenta ensinar as transicións, os indicativos, as sinais horarias...

Prazo de inscrición aberto
O prazo de inscrición está aberto. As persoas interesadas deben enviar un correo electrónico ao enderezo normalizacion@concellodeames.gal no que aparezan os nomes e apelidos dos participantes, a idade das crianzas e un número de teléfono de contacto. O prazo de inscrición remata o xoves, 12 de novembro.

Dende o departamento de Normalización Lingüística confirmarase a inscrición e as persoas inscritas recibirán a ligazón e as instrucións para poder acceder á sesión virtual. Só será preciso un dispositivo con pantalla e conexión a Internet.