Pestanas principais

> Proxección documental: "10 de marzo"

Mércores, 23 novembro, 2022
Ás 20:00 horas

O mércores 23 de novembro, ás 20:00 horas, proxectarase na Casa da Cultura de Bertamiráns o documental “10 de marzo”, que narra o proceso de creación do convenio do estaleiro Bazán de Ferrol no ano 1972, abordando a penetración das comisións obreiras e do partido comunista nas negociacións e a resistencia contra a autoridade dos traballadores no marco da ditadura franquista, feitos que supuxeron un punto de inflexión para a sociedade galega. Os convites xa poden retirarse de balde na billeteira electrónica do Concello de Ames.

Os espectadores poderán desfrutar dunha reconstrución que inclúe entrevistas cos protagonistas, materiais de arquivo inédito e ficcións de época. Ademais, na Casa da Cultura de Bertamiráns estará presente o director do documental, Roi Cagiao, que protagonizará un coloquio coas persoas asistentes.