O alumnado de sexto curso de educación primaria do CEIP de Barouta organiza unha festa do Magosto para este venres, 11 de novembro, co obxectivo de recadar fondos para a excursión de fin de curso. Comezará a partir das 17.00 horas e se chove haberá carpa. Celebrarase no campo da festa do San Amaro de Barouta, e, ademais de comer castañas, as persoas que asistan poderán participar en diferentes obradoiros e xogos populares. A música correrá a cargo do grupo As Maianas, que ofrecerá un concerto. Organizan o CEIP de Barouta, a ANPA San Mauro e mailo Concello de Ames.