Pestanas principais

> Exposición de Ana Rosa Lista "Fiando Recordos"

venres, 8 Abril, 2022 a domingo, 10 Abril, 2022
de 11:00 a 20:30 horas

A Casa Escola Obradoiro Ana Rosa e o Concello de Ames inauguran este venres 8 de abril a exposición de encaixe “Fiando Recordos”, un conxunto de pezas de artesanía e pintura nas que se plasma parte da obra dun dos grandes deseñadores e artistas galegos do século XX, Luis Seoane. A inauguración terá lugar no Pazo da Peregrina, en Bertamiráns, ás 18:30 horas, mentres que a exposición poderá visitarse do 8 ao 10 de abril, de 11:00 a 20:30 horas. Ademais, a palilleira tamén impartirá dúas charlas sobre a historia do encaixe na fin de semana, ás 19:00 horas.

A exposición “Fiando Recordos” estará aberta dende este venres 8 ata o domingo 10 de abril, de 11:00 a 20:30 horas, se ben a inauguración do traballo terá lugar o venres ás 18:30 horas. Xa na fin de semana, Ana Rosa Lista impartirá dúas charlas sobre a historia do encaixe, o sábado 9 e o domingo 10, a partir das 19:00 horas. Unha vez rematada a exposición, as obras viaxarán ata Barcelona, onde poderán verse no Museu d’Arenys de Mar, do 21 de abril ao 31 de maio.