Pestanas principais

>Carreira/andaina de obstáculos "Moitos camiños, mesma meta"

Sábado, 7 marzo, 2020
A partir das 11.30 horas

A carreira terá lugar o vindeiro 7 de marzo, a partir das 11.30 horas, na contorna da Casa da Cultura do Milladoiro e na área deportiva desta localidade. A recollida de dorsais poderá realizarse a partir das 10.45 horas. Trátase dun evento familiar para todos os públicos a partir dos 5 anos, no que se pode participar individualmente, en parellas ou en grupo dun mínimo 5 persoas

O percorrido será de aproximadamente 1.500 metros e contará con 10 obstáculos de baixa dificultade para superar, os cales se poden realizar con ou sen axuda dos acompañantes. Entre eles, zonas para rectar polo chan, pirámides, rodas, equilibrios, muros verticais, tubos, gabias de auga, etc. Algúns deles disporán de mensaxes para visibilizar os atrancos que teñen que superar as mulleres na súa vida diaria. Ademais, haberá persoas vestidas de gladiadores para ambientar o percorrido de dita carreira e axudarlle aos participantes se fose necesario.

Contarase con agasallos para os/as participantes realizando sorteos a través dos números de dorsais. Todos eles, grazas á colaboración da Xuntanza de Empresarios de Ames no evento.

A inscrición á carreira, que é de balde, pode facerse de maneira presencial ou a través deste enlace. Para facelo en persoa, hai que achegarse ás oficinas dos Servizos Sociais do Concello no Milladoiro (rúa de Abaixo, número 10) ou en Bertamiráns (praza de Chavián, s/n). O prazo para facelo remata o próximo 3 de marzo.

Multimedia

  • Embedded thumbnail for