Pestanas principais

> Apego: “Valentina”

Mércores, 21 setembro, 2022
ás 18:00 horas

O programa Apego achega a Ames o filme “Valentina”, premio Goya 2021 á mellor película de animación. “Valentina” conta a historia dunha rapaza cansa de ter síndrome de Down, convencida de que é o motivo que lle impide acadar o seu soño de ser trapecista, e que fará unha viaxe máxica para descubrir todo do que é capaz. A proxección, orientada ao público familiar, terá lugar o mércores 21 de setembro, ás 18:00 horas, na Casa da Cultura do Milladoiro. A inscrición, de balde, poderá realizarse do 13 ao 20 de setembro, enviando un correo ao enderezo normalizacion@concellodeames.gal, no que se indiquen nome e apelidos das persoas asistentes, teléfono de contacto e idade das crianzas. A actividade chega ao abeiro do Fondo Xacobeo 21-22.