A andaina solidaria, organizada para o día 20 de decembro por parte da Oficina de Voluntariado de Ames e polo departamento de Sanidade, ten como obxectivo as doazóns de produtos de Nadal e/ou produtos de hixiene para os máis desfavorecidos. Nestas achegas tamén colaborarán colexios e escolas infantís do concello e a Xuntanza de Empresarios de Ames (XEA).

Tratarase dunha ruta circular de aproximadamente 5 quilómetros, máis concretamente, a Ruta dos Parques de Bertamiráns.