Axenda
O venres 3 de maio, ás 17:00 horas, na biblioteca do Milladoiro terá lugar o obradoiro "O outro lado de Luísa, a ilustración", dirixido a nenos a partir de 3º de primaria. As familias interesadas poden inscribirse entre o 22 e o 30 de abril enviando un correo a biblioteca@concellodeames.gal no que se indiquen nome, apelidos, curso do neno/a e un teléfono de contacto. Tamén será posible inscribirse chamando ao teléfono 981 530 807.
O venres 3 de maio, ás 18:00 horas, a Fundación Legar levará ao Pazo da Peregrina de Bertamiráns o obradoiro "Arrolar". Dirixido a familias con crianzas de 0 a 2 anos, trátase dun obradoiro para reforzar os vínculos afectivos entre as crianzas máis pequechiñas e as persoas adultas a través do canto. Nel aprenderán arrolos e outras cantigas que
servirán como ferramentas de relaxación para crear espazos de calma.
Co gallo da celebración do Día das Letras Galegas, o departamento de Bibliotecas do Concello de Ames organiza un obradoiro dirixido a nenos e nenas a partir de 3º de primaria. Levarase a cabo na biblioteca de Bertamiráns o sábado 4 de maio, ás 11:30 horas. As familias que desexen participar poderán inscribirse ata o 30 de abril escribindo a biblioteca@concellodeames.gal ou no teléfono 981 884 829.
O sábado 4 de maio, ás 11:30 horas, na biblioteca de Bertamiráns terá lugar o obradoiro "O outro lado de Luísa, a ilustración", dirixido a nenos a partir de 3º de primaria. As familias interesadas poden inscribirse entre o 22 e o 30 de abril enviando un correo a biblioteca@concellodeames.gal no que se indiquen nome, apelidos, curso do neno/a e un teléfono de contacto. Tamén será posible inscribirse chamando ao teléfono 981 884 829.
A terceira edición da carreira de orientación do Concello de Ames terá lugar no casco urbano de Bertamiráns o vindeiro domingo, 5 de maio, a partir das 11:00 horas. Esta actividade foi organizada polo departamento de Deportes en colaboración coa entidade Xesta Natureza.
Os días 14, 15 e 16 de maio a biblioteca do Milladoiro acolle unha sesión de contacontos para nenos e nenas de 3 a 8 anos. As familias interesadas poderán inscribirse entre o 6 e o 11 de maio chamando ao teléfono 981 530 807, ou enviando un correo a biblioteca@concellodeames.gal. Deben indicar nome, apelidos, idade e un teléfono de contacto.
Hoxe, ás 17:30 horas, partirá do centro de saúde do Milladoiro a andaina saudable de SaúdeAndo . As sesións, para as non é precisa inscrición previa, duran entre unha hora e hora e media, e teñen unha dificultade media-baixa. Estas saídas contan sempre coa presenza dun monitor de marcha nórdica, pensando nas persoas que desexen practicar esta modalidade (sempre de maneira voluntaria).
Hoxe, ás 17:30 horas, partirá do centro de saúde de Bertamiráns a andaina saudable de SaúdeAndo . As sesións, para as non é precisa inscrición previa, duran entre unha hora e hora e media, e teñen unha dificultade media-baixa. Estas saídas contan sempre coa presenza dun monitor de marcha nórdica, pensando nas persoas que desexen practicar esta modalidade (sempre de maneira voluntaria).
Para o mes de maio o Concello de Ames organiza un ciclo de monólogos da man de sete artistas galegos. A primeira sesión é o xoves 23 de maio, ás 21:00 horas, coa actuación de Quico Cadaval e Antía Costas na Casa da Cultura do Milladoiro. A entradas poden adquirirse na Billeteira electrónica.
Para o mes de maio o Concello de Ames organiza un ciclo de monólogos da man de sete artistas galegos. A segunda sesión é o venres 24 de maio, ás 21:00 horas, coa actuación de Pepo Suevos e Adrián do Regenco na Casa da Cultura de Bertamiráns. A entradas poden adquirirse na Billeteira electrónica.
- ‹ anterior
- 2 de 5
- seguinte ›