Axenda
martes, 28 de Maio de 2024 a xoves, 30 de Maio de 2024
Os días 28, 29 e 30 de maio a biblioteca de Bertamiráns acolle unha sesión de contacontos para nenos e nenas de 3 a 8 anos. As familias interesadas poderán inscribirse entre o 20 e o 25 de maio chamando ao teléfono 981 884 829, ou enviando un correo a biblioteca@concellodeames.gal. Deben indicar nome, apelidos, idade e un teléfono de contacto.
Xoves, 30 de maio de 2024
Hoxe, ás 17:30 horas, partirá do centro de saúde do Milladoiro a andaina saudable de SaúdeAndo . As sesións, para as non é precisa inscrición previa, duran entre unha hora e hora e media, e teñen unha dificultade media-baixa. Estas saídas contan sempre coa presenza dun monitor de marcha nórdica, pensando nas persoas que desexen practicar esta modalidade (sempre de maneira voluntaria).
Venres, 31 de maio de 2024
O venres 31 de maio, ás 18:00 horas, Migallas Teatro levará á Casa da Cultura do Milladoiro o espectáculo "A nena e os tres osos". Dirixido a nenos a partir de 2 anos, é unha divertida e coidada proposta teatral con monicreques e cancións baseada nun conto clásico da literatura infantil. Nesta historia, unha maleta pode ser unha casa, un caldeiro pode ser un asento e unha manchea de calcetíns poden ser... unha familia de osos.
Sábado, 01 de xuño de 2024
O sábado 1 de xuño vaise desenvolver unha nova camiñada teatralizada, a cargo dos Quinquilláns, polas Fragas do Tambre. Esta actividade, que se desenvolverá en horario de mañá, de 10.00 a 14.30 horas, arranca na aldea de Oca e discorre pola capela do Corpiño e por preto do río Tambre, rematando no Pazo de Lens. O percorrido ten unha distancia de 4 quilómetros e ao remate serviranse uns petiscos saudables. Para participar é preciso inscribirse. Para iso hai que enviar o impreso de inscrición ao enderezo auladanatureza@concellodeames.gal. Ofértanse un total de 40 prazas.
Xoves, 06 de xuño de 2024
Hoxe, ás 17:30 horas, partirá do centro de saúde de Bertamiráns a andaina saudable de SaúdeAndo . As sesións, para as non é precisa inscrición previa, duran entre unha hora e hora e media, e teñen unha dificultade media-baixa. Estas saídas contan sempre coa presenza dun monitor de marcha nórdica, pensando nas persoas que desexen practicar esta modalidade (sempre de maneira voluntaria).
Venres, 07 de xuño de 2024
O venres 7 de xuño, ás 18:00 horas, Montse Rivera e Mercedes Prieto organizan no Pazo da Peregrina de Bertamiráns "Foliada con Apego". Dirixido a público familiar, será un encontro cheo de lingua, cantos, música e baile de noso para compartir, cantar, bailar, aprender e pasalo xenial.
Xoves, 13 de xuño de 2024
Hoxe, ás 17:30 horas, partirá do centro de saúde do Milladoiro a andaina saudable de SaúdeAndo . As sesións, para as non é precisa inscrición previa, duran entre unha hora e hora e media, e teñen unha dificultade media-baixa. Estas saídas contan sempre coa presenza dun monitor de marcha nórdica, pensando nas persoas que desexen practicar esta modalidade (sempre de maneira voluntaria).
Venres, 14 de xuño de 2024
O venres 14 de xuño, ás 18:00 horas, Ana Prema levará á Casa da Cultura do Milladoiro a actividade "Tecendo Fíos". Dirixido a nenos e nenas a partir de 3 anos, trátase dunha actividade para aprender a crear espazos compartidos de felicidade e de quietude, de palabras, de historias, de silencios, de xogo, de divertimento e de calma.
Xoves, 20 de xuño de 2024
Hoxe, ás 17:30 horas, partirá do centro de saúde de Bertamiráns a andaina saudable de SaúdeAndo . As sesións, para as non é precisa inscrición previa, duran entre unha hora e hora e media, e teñen unha dificultade media-baixa. Estas saídas contan sempre coa presenza dun monitor de marcha nórdica, pensando nas persoas que desexen practicar esta modalidade (sempre de maneira voluntaria).
Venres, 21 de xuño de 2024
O venres 21 de xuño, ás 18:00 horas, Alouette Machine levará ao Pazo da Peregrina de Bertamiráns o obradoiro "Fotografando as herbas de San Xoán". Dirixido a nenos e nenas a partir de 3 anos, trátase dun obradoiro no que se realizarán fotocomposicións empregando a luz do sol e a auga. Ademais servirán para ir aprendendo a recoñecer as herbas de san Xoán ao tempo que se pon en valor a lingua e o patrimonio cultural e ambiental.
- ‹ anterior
- 3 de 5
- seguinte ›