Axenda

Ex., 10-12-2019
Venres, 20 de setembro de 2019

Este venres, 20 de setembro, ás 22:00 horas, farase unha marcha ciclista nocturna con saída e chegada na Praza do Concello, e pasando pola Condomiña, Sisalde e Agro do Muíño. Aínda que non é obrigatorio inscribirse, recoméndase facelo para ter unha previsión dos asistentes. Para iso hai que enviar un correo electrónico ao enderezo: mobilidade@concellodeames.gal. Esta actividade enmárcase dentro do programa da Semana Europea da Mobilidade (SEM) 2019, que se celebra do 16 ao 22 de setembro baixo o lema “Camiña e pedalea de maneira segura”.

Venres, 20 de setembro de 2019

Este venres, 20 de setembro, pola tarde, os/as membros da Agrupación de Protección Civil de Ames impartirán un obradoiro no que se simulará un accidente de bicicleta e se impartirán nocións de como facer unha inmobilización e de primeiros auxilios. Será ás 19:00 horas no aparcamento da Casa da Cultura do Milladoiro. Esta actividade enmárcase dentro do programa da Semana Europea da Mobilidade (SEM) 2019, que se celebra do 16 ao 22 de setembro baixo o lema “Camiña e pedalea de maneira segura”.

Venres, 20 de setembro de 2019

Este venres, 20 de setembro, ás 22.30 horas, celebrarase o segundo Encontro de jazz de Ames. Trátase dunha iniciativa do departamento de Cultura, a través da cal se quere potenciar esta disciplina musical. Actuarán Mónica de Nut e Virxilio da Silva; así como Xacobe Martínez con Antelo Trío. O concerto desenvolverase no Pazo da Peregrina, en Bertamiráns. No caso de que chova, trasladarase ao auditorio da Casa da Cultura de Bertamiráns. Esta actividade está dirixida a todos os públicos. A entrada é de balde.

mércores, 18 de Setembro de 2019 a luns, 30 de Setembro de 2019

A exposición Ames Coopera estará na Casa da Cultura de Bertamiráns do 18 ao 30 de setembro.

luns, 16 de Setembro de 2019 a luns, 30 de Setembro de 2019

Dende o luns, 16 de setembro, e ata o día 30 de setembro, está exposta na Casa da Cultura do Milladoiro a mostra Mindjer di Guiné: Miradas desde Guinea-Bissau. A mostra pódese visitar de luns a venres en horario de 9.00 a 14.00 e de 17.00 a 22.00 horas.