Axenda

Ex., 06-02-2025
martes, 11 de Febreiro de 2025 a xoves, 13 de Febreiro de 2025

O departamento de Bibliotecas do Concello de Ames, dependente da Concellería de Cultura, Turismo, Axenda Urbana e Comunicación, presenta a súa programación de contacontos para os primeiros meses do ano e que, como vén sendo habitual, traerá ata as bibliotecas do Milladoiro e Bertamiráns as mellores historias para que os máis cativos de Ames poidan gozar da lectura.

Xoves, 13 de febreiro de 2025

O Concello de Ames, a través do departamento de Cultura, organiza “Malabareando”, un obradoiro de malabares dirixido para os nenos e nenas a partir dos 6 anos e que se realizará o xoves 13 de febreiro, ás 18.00 horas, no auditorio da Casa da Cultura de Bertamiráns. As crianzas deberán de estar acompañadas dun adulto. Hai 16 prazas dispoñibles, sen contar ás persoas maiores de idade, e os interesados en participar poden inscribirse enviando un correo a cultura@concellodeames.gal.

Xoves, 13 de febreiro de 2025

O programa SaúdeAndo 2025 continúa neste mes de febreiro. Estes percorridos, organizados pola Concellaría de Promoción da Saúde, organízanse cada xoves de semanas alternas ao longo de todo o ano nas localidades de Bertamiráns e do Milladoiro. Son rutas de dificultade media-baixa e que contan cunha duración aproximada de entre unha hora e hora e media.