Axenda

Ex., 28-03-2024
martes, 02 de Abril de 2024 a mércores, 03 de Abril de 2024

Os días 2 e 3 de abril a biblioteca do Milladoiro acolle unha sesión de contacontos para nenos e nenas de 3 a 8 anos. As familias interesadas poderán inscribirse entre o 25 e o 30 de marzo chamando ao teléfono 981 530 807, ou enviando un correo a biblioteca@concellodeames.gal. Deben indicar nome, apelidos, idade e un teléfono de contacto.

Xoves, 04 de abril de 2024

Hoxe, ás 17:30 horas, partirá do centro de saúde do Milladoiro a andaina saudable de SaúdeAndo . As sesións, para as non é precisa inscrición previa, duran entre unha hora e hora e media, e teñen unha dificultade media-baixa. Estas saídas contan sempre coa presenza dun monitor de marcha nórdica, pensando nas persoas que desexen practicar esta modalidade (sempre de maneira voluntaria).

Xoves, 04 de abril de 2024

O departamento de Bibliotecas organiza o xoves 4 de abril, ás 17:30 horas, a presentación do libro "Voa Voa", de Artur Trillo. O acto será na biblioteca de Bertamiráns e está dirixido a público familiar. Ademais, sortearanse entradas para a obra de teatro homónima que se representará o venres 5 de abril na Casa da Cultura do Milladoiro, ás 18:00 horas.

Venres, 05 de abril de 2024

O venres 5 de abril, ás 20:30 horas, a Casa da Cultura de Bertamiráns acolle a representación do espectáculo de danza "Sofá" da man de Marta Alonso. As entradas poden adquirirse na Billeteira electrónica do Concello de Ames.

Venres, 05 de abril de 2024

O venres 5 de abril, ás 18:00 horas, a Casa da Cultura do Milladoiro acolle a representación da obra de teatro "Voa Voa" da man de Talía Teatro. As entradas poden adquirirse na Billeteira electrónica do Concello de Ames.

Sábado, 06 de abril de 2024

O sábado, 6 de abril, ás 19:00 horas, terá lugar no auditorio da Casa da Cultura do Milladoiro o concerto de música clásica “En clave clásica”. A velada contará coa interpretación e dirección dos artistas do Centro Superior de Música de Galicia, tutelados polo mestre Boris Perrenoud, director da Wiener Musikakademie. Os convites poden retirarse a través da Billeteira electrónica.

Martes, 09 de abril de 2024

O departamento de Bibliotecas organiza o martes 9 de abril, ás 17:30 horas, a presentación do libro "Mambrú volveu da guerra", de Carlos Labraña. O acto será na biblioteca do Milladoiro e está dirixido a maiores de 6 anos.

Mércores, 10 de abril de 2024

O departamento de Bibliotecas organiza o mércores 10 de abril, ás 17:30 horas, a presentación do libro "Valentina nunca calas e o monstro da media cara", de Charo Pita. O acto será na biblioteca de Bertamiráns e está dirixido a maiores de 3 anos.

Xoves, 11 de abril de 2024

Co obxectivo de que a Axenda 2030 sexa un proxecto participativo, o Concello de Ames organiza un encontro do Foro Municipal da Axenda Urbana cos axentes clave do municipio o 11 de abril, ás 10:00 horas, na Casa da Cultura do Milladoiro. Para participar é necesario cubrir un formulario específico, dispoñible nesta ligazón, antes do 9 de abril.

Xoves, 11 de abril de 2024

Hoxe, ás 17:30 horas, partirá do centro de saúde de Bertamiráns a andaina saudable de SaúdeAndo . As sesións, para as non é precisa inscrición previa, duran entre unha hora e hora e media, e teñen unha dificultade media-baixa. Estas saídas contan sempre coa presenza dun monitor de marcha nórdica, pensando nas persoas que desexen practicar esta modalidade (sempre de maneira voluntaria).