Avisos

Ex., 15-07-2020
Ex., 15-07-2020
luns, 13 Xullo, 2020 a luns, 27 Xullo, 2020
A unión de consumidores de Galicia (UCGAL) informa que, por mor de dificultades técnicas, durante dúas semanas, as citas previas deberán concertarse a través do correo electrónico fcarames@consumidores.gal.
Xoves, 9 xullo, 2020
O Concello de Ames, a través da Concellaría de Educación, informa da publicación das listaxes provisionais de solicitudes admitidas e excluídas para as renovacións nos servizos complementarios de educación (Bos Días Cole, Tardes Divertidas e Comedor Escolar) para o curso 2020-2021. O prazo de reclamación ou subsanación estará aberto ata finais do mes de agosto. As listas definitivas publicaranse a comezos do mes de setembro, antes do inicio do curso escolar.
Mércores, 8 xullo, 2020
O Concello de Ames, a través da Concellaría de Obras e Servizos Básicos, informa de que o parque infantil da Condomiña, o xoves 9 e mailo venres 10 de xullo, permanecerá pechado ata as 17.00 horas, debido a que se van realizar nas súas instalacións tarefas de mantemento. Deste xeito, as persoas que queiran gozar de dito parque poderán facelo a partir das 17.00 horas. Desculpen as molestias.
Martes, 7 xullo, 2020
O Concello de Ames, a través da Concellaría de Educación, informa da publicación das listaxes provisionais de solicitudes admitidas para a preinscrición nos servizos complementarios de educación (Bos Días Cole, Tardes Divertidas e Comedor Escolar) para o curso 2020-2021. O prazo de reclamación ou subsanación é de 10 días hábiles (do 8 de xullo ata o 21 de xullo de 2020).
mércores, 1 Xullo, 2020 a venres, 10 Xullo, 2020
O Concello de Ames vén de aprobar, a través de decreto de Alcaldía, un prazo excepcional de inscrición para o servizo de conciliación da vida laboral e familiar, “Escola de Verán 2020”, para o mes de agosto. Dito prazo estará aberto dende o 1 de xullo ata o 10 de xullo de 2020, ámbolos dous días incluídos. Este prazo extraordinario ábrese para todos aqueles pais/nais que non fixeran a solicitude durante o prazo ordinario que foi do 1 ao 8 de xuño. A presentación de solicitudes poderá realizarse de xeito telemático a través da sede electrónica do Concello de Ames ou de xeito presencial nas oficinas de rexistro de Bertamiráns e O Milladoiro, baixo cita previa. Ao pé desta nova podes obter o impreso de inscrición e mailo regulamento de funcionamento.
mércores, 1 Xullo, 2020 a venres, 10 Xullo, 2020
O departamento de Benestar Social do Concello de Ames, a través da Concellería de Sanidade e do programa Ames Saudable, organiza para este mes de xullo as xornadas “Desconfinamento Saudable”. Trátase dun conxunto de actividades ao aire libre que se impartirán en grupos reducidos de máximo 15 persoas tanto en Bertamiráns como no Milladoiro. Hai prazas libres nas actividades da tarde e en ioga polo que aquelas persoas que o desexen, aínda teñen a posibilidade de inscribirse. O prazo estará aberto até completar o aforo en cada unha das actividades ofertadas. A inscrición pódese facer enviando un correo a promociondasaude@concellodeames.gal ou chamando ao número 649 45 02 64.
mércores, 1 Xullo, 2020 a venres, 10 Xullo, 2020
Até o día 10 de xullo está aberto o prazo para solicitar o servizo de transporte adaptado para achegarse até ao colexio electoral e exercer o dereito ao voto nas Eleccións Autonómicas do 12 de xullo. Ten dereito a este servizo calquera veciño ou veciña de Ames con problemas de mobilidade que lle impidan desprazarse en vehículo propio ou en transporte colectivo. Quen queira utilizalo, pode reservar praza de luns a venres, entre as 9:00 e ás 14:00 horas, nos teléfonos 900 204 000 e 662 377 044. Tamén se pode reservar a través do enderezo electrónico voluntariado@concellodeames.gal.
martes, 30 Xuño, 2020 a venres, 17 Xullo, 2020
O Concello de Ames publica os impresos para realizar as inscricións nos campamentos de verán 2020. As Concellarías de Medio Ambiente e Mocidade ofrecen, a través deste programa, 252 prazas repartidas entre 9 campamentos diferentes que se desenvolverán en diferentes datas entre o 6 de xullo ao 5 de setembro. Os prazos de matrícula varían segundo o campamento de destino elixido. Ao pé deste aviso pódese descargar a documentación necesaria para realizar a inscrición.
Sábado, 27 xuño, 2020
O Concello de Ames, a través da Concellaría de Educación, informa de que están expostas as listas definitivas de nenos/as admitidos e excluídos no programa municipal da Escola de Verán 2020. Este servizo está dirixido aos nenos e nenas de Ames que durante o prazo de inscrición estivesen escolarizados no segundo ciclo de educación infantil e primaria.
Venres, 26 xuño, 2020
O Concello de Ames publica as listas definitivas de usuarios/as preinscritos nos campamentos de verán de Mougás e do Terrón. Antes do sorteo comunicáronse 3 baixas no campamento xuvenil de Terrón, polo que non foi necesario realizar dito sorteo. Para o campamento de Mougás si foi necesario realizar o sorteo. Premendo na ligazón que está ao pé deste aviso podes consultar a lista definitiva de usuarios/as preinscritos nos campamentos de verán de Mougás e do Terrón e maila lista de agarda do campamento de Mougás.