Avisos

Ex., 22-09-2019
Ex., 22-09-2019
Venres, 20 setembro, 2019
A Plataforma Feminista Galega convocou para este venres, 20 de setembro, ás 20:30 horas, unha Manifestación Nocturna cun símbolo, a luz violeta. Deste xeito, o Concello de Ames e maila Plataforma feminista de Ames únense a convocatoria da Plataforma Feminista Galega. Durante a semana houbo mesas informativas no Milladoiro e Bertamiráns.
Venres, 20 setembro, 2019
O Concello de Ames, a través da Concellaría de Deportes, fai públicas as listaxes coas persoas admitidas e en lista de agarda das Escola deportivas municipais para o curso 2019-2020. Estas listaxes son o resultado do sorteo público feito este pasado xoves, 18 de setembro, entre as persoas que realizaron a preinscrición.
Martes, 17 setembro, 2019
Este domingo, 22 de setembro, desenvolverase unha andaina saudable pola senda verde que conecta as localidades de Bertamiráns e do Milladoiro a partir das 10:30 horas. A saída será dende a Igrexa nova do Milladoiro e haberá servizo de autobús á ida, desde a Praza do Concello en Bertamiráns, ás 10:00 horas, e á volta dende o Milladoiro sobre as 14:00 horas. Esta andaina enmárcase dentro das actividades organizadas polo Concello de Ames dentro da Semana Europea da Mobilidade.
Martes, 17 setembro, 2019
A Concellaría de Benestar Social, en colaboración coa Secretaria Xeral da Igualdade, organiza para os días 23 e 25 de setembro un curso de auto defensa para mulleres. Trátase dun curso para saber como actuar ante situacións violentas que se impartirá no pavillón municipal do Milladoiro, en horario de 16.00 a 20.00 horas. Esta actividade estará impartida por especialistas da Federación Galega de Loita e pertencentes ás Forzas e Corpos de Seguridade do Estado. Para inscribirse hai que chamar ao número de teléfono 981 53 59 41.
Martes, 17 setembro, 2019
Este xoves, 19 de setembro, realizarase unha nova andaina saudable que comezará ás 17.30h e terá saída e chegada dende centro de saúde de Bertamiráns. Esta ruta, ao igual que o resto de andainas encadradas dentro do programa SaudeAndo, ten unha dificultade media–baixa e conta cunha duración aproximada de hora ou hora e media. Organizadas pola Concellaría de Sanidade de Ames e os centros de saúde de Bertamiráns e Milladoiro, estas andainas organízanse en ambas localidades en semanas alternas.
luns, 16 Setembro, 2019 a venres, 20 Setembro, 2019
Premendo nos enlaces que están a baixo o apartado de descargas, poderás obter os menús da Rede municipal de comedores escolares para esta semana, así coma suxestión para as ceas. Ademais, para equilibrar a dieta diaria de todos os nenos e nenas de Ames a nutricionista prepara un menú cos almorzos e merendas que se servirán dentro dos servizos complementarios (Bos día Cole e Tardes Divertidas) que se desenvolven nos centros de ensino.
luns, 16 Setembro, 2019 a venres, 20 Setembro, 2019
Premendo no enlace que está ao pé deste aviso poderás obter os menús das Escolas infantís municipais O Bosque e A Madalena. Estes menús foron elaborados pola nutricionista municipal do Concello de Ames.
Mércores, 11 setembro, 2019
Dende a Concellaría de Educación comunícase ás familias usuarias dos programas de conciliación Bos Días Cole, Comedores Escolares e Tardes Divertidas no CEIP A Maía que o espazo de comedor (onde se realizaban as actividades deste programa) trasládanse á sala de usos múltiples (biblioteca do CEIP) habilitada no centro escolar durante a realización das obras do novo comedor escolar. Desculpen as molestias.
luns, 2 Setembro, 2019 a luns, 23 Setembro, 2019
O Concello de Ames, a través das Concellarías de Normalización Lingüística e de Benestar Social, abre do 2 ao 23 de setembro o prazo para inscribirse nunha nova edición dos Obradoiros de Lingua e Cultura "En galego, co teu acento!. Trátase dunha actividade gratuíta de 30 horas de duración que se desenvolverá de luns a venres nas localidades de Bertamiráns e do Milladoiro, durante os meses de outubro e novembro. Ofrécense un total de 40 prazas (20 para cada localidade).