Avisos

Ex., 14-07-2020
Ex., 14-07-2020
Luns, 15 xuño, 2020
Unha das liñas nas que se articula o Plan de reactivación económica para Ames é a posta en funcionamento dun espazo web informativo onde se recolle toda a información de interese para os afectados/as pola crise sanitaria da Covid-19, como normativa vixente, noticias, modelos e plantillas, e onde se levarán a cabo webminars para as persoas ou entidades implicadas. O Concello de Ames ven de habilitar a páxina web https://coronavirus.concellodeames.gal/, un espazo que permite ter toda a información centralizada e co que se pode difundir a información máis adaptada ao ámbito local, dun xeito máis directo, e onde a información é algo prioritario.
Venres, 12 xuño, 2020
O Concello de Ames, a través da Concellaría de Educación, informa de que no DOG de hoxe sae publicada a convocatoria de axudas da Xunta de Galicia, dirixida a facilitar a conciliación da vida familiar e laboral das familias con nenos e nenas de ata 12 anos de idade, durante o tempo de suspensión de actividade nas escolas infantís 0-3 e centros de ensino non universitario.
Venres, 12 xuño, 2020
O Concello de Ames, a través da Concellaría de Educación, informa de que están publicadas as listas provisionais de nenos/as admitidos/as nas escolas infantís municipais O Bosque, de Bertamiráns, e A Madalena, do Milladoiro, para o curso 2020-2021. Os pais/nais terán un prazo de 5 días hábiles a efecto de exame e reclamación.
Mércores, 10 xuño, 2020
Neste apartado de AVISOS poderanse consultar os decretos aprobados pola Alcaldía, que recollen diferentes medidas adoptadas debido á pandemia do Coronavirus-COVID19.
Martes, 9 xuño, 2020
A radio municipal de Ames continúa a ofrecer diariamente, durante o estado de alarma, unha programación especial a través da súa nova páxina de Facebook. Ames Radio segue a dar voz ás veciñas e aos veciños, proporcionando ademais información de servizo nestes tempos de confinamento nos fogares. Ao pé deste aviso, podes consultar a programación de hoxe martes, 9 de xuño de 2020.
Luns, 8 xuño, 2020
Dende a Concellaría de Educación informan de que seguindo instrucións da Xunta de Galicia, a través da Dirección Xeral de Familia, Infancia e Dinamización Demográfica, comunícase que as escolas infantís municipais EIM O Bosque e EIM A Madalena, así como as escolas infantís da Rede Galiña Azul EIM Bertamiráns e EIM Figueiras-Milladoiro non poderán retomar a súa actividade lectiva ata setembro, co inicio do curso 2020/2021.
Sábado, 6 xuño, 2020
O Concello de Ames informa que dende o momento da reapertura dos servizos presenciais de atención ao público, os cidadáns que desexen acudir a algunha xerencia do Catastro deberán obter con antelación unha cita previa para poder ser atendidos.
Venres, 5 xuño, 2020
Dende a Concellería de Deportes, quere deixarse constancia de que a actividade de patinaxe "Verán sobre rodas" que se leva a cabo, un ano máis, no CEIP Agro do Muiño, é unha actividade na que o Concello de Ames nin organiza, nin colabora ou subvenciona.
Mércores, 3 xuño, 2020
O Concello de Ames informa sobre a existencia dun simulador do ingreso mínimo vital do Ministerio de Inclusión, Seguridade Social e Migracións. Este simulador do ingreso mínimo vital, permite consultar de forma sinxela si se compren os requisitos para percibir esta prestación e mesmo o importe aproximado que lle correspondería.
Luns, 1 xuño, 2020
O Concello de Ames informa de que este luns, 1 de xuño, publicouse no DOGA a resolución do 30 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade de diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 30 de maio de 2020.