Avisos

Ex., 02-12-2020
Ex., 02-12-2020
Sábado, 14 novembro, 2020
Este sábado, 14 de novembro, procedeuse ao peche da Ruta do Tambre, no lugar de Tapia, logo do roubo dos sinais indicativos do camiño. A Concellaría de Medio Ambiente recibiu o aviso de que varias persoas que se atopaban facendo o roteiro estábanse a perder, xa que non había sinalización. Esta situación obrigou ao goberno a proceder ao precintado da entrada da ruta, ata que se repoña a sinalización.
Venres, 13 novembro, 2020
Tras cinco meses, dende xuño, situado na rúa do Sar, o mercado de rúa volve a ubicarse no centro de Bertamiráns. Deste xeito, este sábado 14 de novembro, os postos ambulantes ocuparán as rúas Ameneiral e Entrerríos, así como a praza do Concello para poder cumprir as medidas de distancia e seguridade que dita o regulamento da Xunta de Galicia na loita contra a pandemia da COVID-19.
Venres, 13 novembro, 2020
O Concello de Ames, a través do departamento de Persoal, informa sobre a convocatoria do proceso selectivo para a contratación de dous ou dúas peóns para a brigada de xestión e repoboación forestal.
martes, 10 Novembro, 2020 a mércores, 25 Novembro, 2020
O prazo de presentación de solicitudes estará aberto dende o día 10 ata o 25 de novembro. O obxecto destas bases é regular as axudas a conceder polo Concello de Ames como concello adheridos ao Fondo de Financiamento promovido pola Deputación da Coruña, aprobadas coa finalidade de impulsar a actividade económica e o emprego no termo municipal amesá e contribuír a paliar na medida do posible os danos derivados da pandemia da COVID-19, nas microempresas e autónomos/as. O Concello de Ames destina a esta liña de axudas un total de 582.547,86 euros. O Fondo de Financiamento constitúese cun 80% de achega da Deputación da Coruña e un 20% financiado con fondos propios do concello. Deste xeito, o Concello de Ames achega 116.509,57 euros e a Deputación da Coruña concede 466.038,29 euros.
Luns, 9 novembro, 2020
O Concello de Ames, a través do Servizo de Normalización Lingüística e do departamento de Promoción Económica, puxo en marcha por terceiro ano consecutivo o Premio Lingua e Empresa, co obxectivo de recoñecer o uso e fomento da lingua galega na actividade empresarial. Optarán a este galardón todas as empresas, con sede social ou centro de actividade no concello de Ames, que sexan propostas ata as 14.00 horas do 16 de novembro por calquera persoa ou entidade, ou pola propia empresa que queira participar.
Luns, 9 novembro, 2020
O Concello de Ames, a través da Concellaría de Promoción Económica, informa sobre a convocatoria de axudas ao alugueiro para os establecementos de lecer nocturno pechados pola Covid-19. Esta convocatoria de axudas foi publicada pola Xunta de Galicia. Concederanse axudas de ata 20.000 euros para o alugueiro dende xaneiro a novembro de 2020. Para poder participar nesta liña de axudas existe a obriga de estar aberto ao público durante un ano. O prazo de presentación de solicitudes para optar a estas axudas está aberto ata o 27 de novembro de 2020.
Luns, 9 novembro, 2020
O Concello de Ames, a través da Concellaría de Promoción Económica, informa de que se ofrece un servizo de consulta e asesoramento sobre asuntos relacionadas con emprego, comercio, PEMES e autónomos.
Mércores, 4 novembro, 2020
O Concello de Ames, a través do departamento de Persoal, informa sobre a convocatoria do proceso selectivo para a contratación dun/dunha responsable para a formación dunha brigada de xestión e repoboación forestal.
Mércores, 4 novembro, 2020
O Concello de Ames, a través do departamento de Persoal, informa sobre a convocatoria do proceso selectivo para a cobertura dunha praza de axudante de servizos varios-auxiliar notificador/a do Concello de Ames.
Luns, 2 novembro, 2020
Diante das circunstancias actuais, condicionadas pola normativa actual e a evolución da pandemia da COVID-19, e en relación coas Escolas municipais culturais e deportivas, as Concellarías de Cultura e Deportes informan que tendo en conta que o pasado 19 de outubro de 2020 se acordou aprazar o comezo das Escolas municipais culturais e deportivas ata a data na que fose posible comenzar as clases, considérase preciso articular un sistema para proceder a devolución daquelas autoliquidacións xa abonadas no momento da inscrición.