Solapas principales

Oficina municipal de Voluntariado

    • Dirección: Casa da Cultura de Bertamiráns. Praza de Chavián s/n
    • Teléfono: 662 37 70 44
    • Responsable municipal: Concejalía de Bienestar Social
    • Responsable técnico: Rubén Ramos Domínguez – Técnico de voluntariado
Otros Datos: 

Noticias del departamento

A Oficina de Voluntariado e a Oficina de Software Libre e Banco de Reciclaxe de Ames celebran este sábado 15 de outubro dous obradoiros, a partir das 11:00 horas no antigo centro de saúde do Milladoiro. Por unha banda, organízase un taller de robótica para nenas e nenos de 7 a 12 anos, con inscricións de balde premendo nesta ligazón. Ademais, de xeito simultáneo haberá un obradoiro de posta a punto, reciclaxe e instalación de computadores, organizado pola Oficina de Software Libre, para o que tamén se pode confirmar a asistencia de xeito gratuíto nesta ligazón.

O establecemento de Bertamiráns Máis que louza comeza este 15 de marzo unha campaña de recollida de doazóns de vaixela, que durará ata o 16 de abril. Neste senso, recollerá os aveños e proporcionará un 5% de desconto no establecemento o propio día da doazón. A louza será despois entregada á Concellaría de Benestar Social, que xestionará e repartirá os aportes da veciñanza.

O establecemento de Bertamiráns Máis que louza vén de recadar máis de 300 quilos de doazóns de vaixela na súa campaña solidaria “Doando sempre gañas”, que se desenvolveu dende o 15 de marzo ata o 16 de abril. A tenda recolleu os aveños aportados pola veciñanza amesá, que a cambio recibiu un 5% de desconto para facer compras no establecemento. A louza xa foi recollida pola Concellaría de Benestar Social, que a través da Oficina de Voluntariado xa está a repartir estes bens entre a poboación.

Dende o 1 de xullo e ata o 1 de setembro, o establecemento de Bertamiráns Máis que louza retoma a súa campaña solidaria de recollida de vaixela “Doando sempre gañas”, que na súa anterior edición entre marzo e abril conseguiu xuntar máis de 300 quilos de louza para a Oficina do Voluntariado de Ames. Durante estes meses de verán, a tenda recollerá os aveños e proporcionará un 5% de desconto no establecemento o propio día da doazón. A louza será despois entregada á Concellaría de Benestar Social, que xestionará e repartirá os aportes da veciñanza.

A unidade móbil de doazón de sangue estará este mércores, 14 de outubro, No milladoiro, na Rúa Curuxa, no cruce con Rosalía de Castro. O horario será de mañá, de 09.30 a 14.30 horas, e de tarde, de 16.00 a 21.00 horas. Por mor da pandemia da Covid-19, e para regular a afluencia de doantes e evitar esperas, é necesario solicitar cita previa chamando ao número de teléfono 900 100 828.

O Concello de Ames, a través da Concellaría de Benestar Social, vén de asinar un convenio coa empresa Texlimca para colaborar na xestión do servizo do roupeiro municipal. Dita empresa colocou varios contedores en Bertamiráns e no Milladoiro para depositar bolsas con roupa, calzado e complementos. Deste xeito, facilitase a doazón de roupa e ao mesmo tempo farase a selección do material depositado nos contedores de xeito máis áxil e sinxelo. A roupa que estea en bo estado seralle entregada ao Concello de Ames, para repartir entre as persoas que a soliciten previamente. O material que non estea en bo estado será reciclado pola empresa Texlimca. O roupeiro municipal atende arredor de 480 solicitudes ao longo do ano.

A Concellaría de Benestar Social, a través da Oficina do Voluntariado de Ames, pon en marcha unha nova edición do obradoiro de viticultura e horticultura. Actualmente xa está aberto o prazo para inscribirse nesta actividade que comeza o 9 de outubro e se vai impartir todos os luns, ás 20.00 horas, na Casa da Cultura do Milladoiro. Este taller combinará clases teóricas con saídas para realizar prácticas. Para inscribirse neste seminario é preciso acudir de xeito presencial á Oficina de Voluntariado de Ames, situada na Casa da Cultura de Bertamiráns, ou chamar ao número de teléfono 662 377 044.

O obradoiro de relaxación, organizado pola Oficina de Voluntariado de Ames, dará comezo o próximo 22 de outubro e impartirase todos os martes, en horario de 10.30 a 12.00 horas. As prazas son limitadas polo que é necesario inscribirse chamando ao 662 377 044 ou enviando un correo electrónico ao enderezo voluntariado@concellodeames.gal.

As campañas solidarias organizadas neste Nadal, conseguiron cifras exitosas grazas á colaboración do voluntariado e da veciñanza de Ames. Deste xeito, conseguiuse reunir algo mais de 400 quilos de alimentos de Nadal, 90 lotes de comida navideña e 120 menús de Noiteboa que se repartiron entre as familias máis vulnerables do concello.

A Oficina de Voluntariado de Ames, que xestiona o servizo do roupeiro municipal, solicita unha vez máis a implicación da veciñanza amesá nesta situación económica e sanitaria que se está a vivir. Nesta ocasión, precísase de roupa para nenos e nenas de 0 a 12 anos e roupa de cama de abrigo como mantas, edredóns ou colchas. Existen dous puntos de entrega da roupa, que debe estar embolsada: na Casa da Cultura do Milladoiro e na de Bertamiráns, de 09.00 a 14.00 horas. Lémbrase que a doazón debe ser de roupa nova ou en bo estado.

Trámites del departamento

Eventos del departamento

A Oficina de voluntariado informático de software libre de Ames, xunto co seu Banco de reciclaxe electrónica, continúa coa programación de obradoiros que comezou no pasado mes de xullo. Nesta ocasión o sábado, 1 de outubro, de 11:00 a 13:30 horas, impartirase no edificio do antigo centro de saúde do Milladoiro un obradoiro sobre seguridade dixital básica. Trátase de impartir actividades de divulgación das novas tecnoloxías en software libre entre os grupos sociais menos favorecidos. Aprenderase sobre conceptos básicos da seguridade dixital, para poder usar os nosos ordenadores e smartphones dunha forma mellor e máis segura. As persoas que queiran participar poden confirmar a súa asistencia premendo nesta ligazón.

A I Feira do Voluntariado de Ames rematará o sábado 29 de maio. Podes consultar aquí o programa de actividades. Tamén podes coñecer o horario, as persoas e os temas dos faladorios. A xornada comezará ás 11.00 horas coa actividade "Move o teu corpo", dirixida por BJ trainers. Ao longo do día haberá obradoiros infantis, para adultos, faladorios... Ás 20.00 horas clausurarase a Feira do Voluntariado cun concerto de Arévalo Gianneto Rock Soul.

Este venres, 3 de xullo, inaugurase na Casa da Cultura de Bertamiráns a mostra de pinturas de Marité Lamas Domínguez. Unha serie de interpretacións realizadas en acrílicos, lapis e acuarelas, durante os primeiros corenta días da corentena mundial 2020.