Domingo, 15 febrero, 2026
Ás 17.00 horas
- Tipo
- Tematica
O Concello de Ames, a través das concellaría de Promoción Económica, Cultura e Educación, e xunto coa participación da Xuntanza de Empresarios de Ames (XEA) organiza a programación deste Entroido 2026. A festa transcorrerá do sábado 14 ao luns 16 de febreiro cunha morea de actividades xa tradicionais no concello.
Logo do inicio das festas o sábado, o domingo será a quenda do concurso de disfraces e o desfile no Milladoiro, que dará comezo ás 17.00 horas dende o aparcadoiro da Casa da Cultura do Milladoiro e estará amenizado polo grupo Os Charangos de Neda. Ás 18.30 horas comezará a entrega de premios, tamén no aparcadoiro da Casa da Cultura, antes de dar paso ao fin de festa co Dúo Infinito, formado por dúas artistas mozas de Ames.
